Ulytaý oblysyndaǵy «Jomart» kenishinde bolǵan qaıǵyly oqıǵada qaza tapqan Oljas Nurildaevtyń artynda bes balasy qaldy, dep habarlaıdy "Adyrna" ulttyq portaly Ulysmedia.kz-ke siltep.
Marqumnyń týysy Serik Dúısenulynyń aıtýynsha, Oljas tórt ul, bir qyzdyń ákesi bolǵan.
«Jary bar, anasy bar, inisi men qaryndasy bar. Inimizdiń qazasy – biz úshin orny tolmas qaıǵy. Ol úlken ákesinen tálim-tárbıe alǵan, jón-jobany biletin azamat edi. Balalarynyń úlkeni 24 jasta, kenjesi ekide. Úkimet bergen ýádesinde turyp, balalaryna qamqorlyq jasasa deımiz», – deıdi Serik Dúısenuly.
Aıta keteıik, 17 aqpan kúni keshke Ulytaý oblysynyń Jańaarqa aýdanyndaǵy «Qazaqmys» korporaııasyna qarasty «Jomart» kenishinde taý-ken massasy opyrylyp túsken. Qutqarýshylar izdestirý jumystary barysynda úıindi astynda qalǵan jeti kenshiniń denesin tapty.
Oqıǵadan keıin Ulytaý oblysynda apattan qaza tapqan kenshilerdiń sýretteri jarııalandy.
