Reseılik depýtat Oleg Koltashov óz óńiriniń bıdaıyn eksporttaý úshin Qazaqstanda kompanııa ashty, dep habarlaıdy “Adyrna” ulttyq portaly Ulysmedia.kz -ǵa silteme jasap.
"Qazaqstan Respýblıkasynda tirkelgen enshiles kompanııa iske qosyldy jáne belsendi jumys istep jatyr. Ol halyqaralyq tranzıttik tarıftiń bolýyna baılanysty bizdiń óńir úshin osy ýaqytqa deıin jabyq bolǵan Orta Azııa naryqtaryna dándi daqyldardy satýmen jáne satyp alýmen aınalysady", - dedi Koltashov jańa joba týraly.
Basylym kásipkerdiń elevatorlar men astyq qabyldaý kásipornyna ıelik etetindigin atap ótti.
Aıta keteıik, Koltashov – Qorǵan oblystyq dýmasynyń depýtaty.
Kompanııa keńsesi Petropavlda ashylǵan, óıtkeni bul – Qorǵan qalasyna eń jaqyn ornalasqan qala.
"Qoıma jáne elevatorlar tolyp ketti, qazirgi ýaqytta qoldanystaǵy ótkizý naryqtary daqyldardy jedel jóneltýdi qamtamasyz ete almaıdy. Sondyqtan Qorǵan sharýalary egindi saqtaýda qıyndyqtarǵa tap bolmas úshin jańa baǵyt ashýǵa týra keldi", - deıdi Koltashov.
