Resei prezidentı Vladimir Putin AQŞ-tyŋ prezidentı Donald Tramppen kezdesuge qarsy emes ekenın mälımdegen, dep habarlaidy “Adyrna” ūlttyq portaly.
Bıraq mūndai kezdesu aldyn ala daiyndyqty qajet etetının atap ötken.
“Men Donald Tramppen quana-quana kezdesemın. Bız köpten berı körıspedık. Bızde jaqyn qarym-qatynas joq, bıraq ol prezident bolǧan tört jyl ışınde bırneşe ret kezdesıp, memleketaralyq qarym-qatynasymyzdy aşyq ärı jan-jaqty talqyladyq. Bügın de onymen kezdesuge daiynmyn. Menıŋ oiymşa, ol da qarsy emes,” – dedı Putin.
Aita keteiık, būǧan deiın Tramp pen Putin Ukraina mäselesın talqylau üşın Saud Arabiiasynda kezdesuı mümkın degen aqparat taraǧan bolatyn.
Resei prezidentı Vladimir Putin men AQŞ prezidentı Donald Tramptyŋ soŋǧy kezdesuı 2018 jyly 16 şıldede Helsinkide öttı. Sol uaqyttan berı olar jeke kezdesu ötkızgen joq.
Alaida 2025 jyly 12 aqpanda olar telefon arqyly söilesıp, onyŋ barysynda Ukrainadaǧy jaǧdaidy qosa alǧanda, türlı mäselelerdı talqylady.
Ūqsas jaŋalyqtar
