Batys Qazaqstan oblysy boıynsha memlekettik kirister departamenti 2025 jylǵy 14 aqpannan bastap Qazaqstannan Eýrazııalyq ekonomıkalyq odaqqa múshe memleketterge óńdelmegen kúıde som jáne kókserke balyqtaryn shyǵarýǵa tyıym saldy, dep habarlaıdy “Adyrna” ulttyq portaly.
Tyıym 2025 jylǵy 14 tamyzǵa deıin, ıaǵnı alty aı boıy kúshinde bolady.
Vedomstvonyń habarlaýynsha, bul shara tarıftik emes retteý sharalaryn iske asyrý maqsatynda qabyldanýda.
Tyıymǵa sáıkes muzdatylǵan jáne balǵyn nemese salqyndatylǵan kókserke men somdy eksporttaýǵa bolmaıdy.
Batys Qazaqstan oblysy boıynsha memlekettik kirister departamenti tyıymnyń óńdelgen muzdatylǵan kókserke men som ónimine, ıaǵnı ishek-qarny alynǵan balyqqa qoldanylmaıtynyn atap ótti.
“Bul ónim óńdelgen ónim retinde jikteledi, sondyqtan oǵan shekteý sharalary qoldanylmaıdy. Syrtqy saýda qatysýshylaryn tyıymnyń qoldanylý merzimine nazar aýdarýǵa jáne kedendik rásimdeý kezinde máselelerdiń aldyn alý úshin taýarlardyń tıisti jiktelýin muqııat qadaǵalaýǵa shaqyramyz”, – delingen vedomstvo habarlamasynda.
