باتىس قازاقستان وبلىسى بويىنشا مەملەكەتتىك كىرىستەر دەپارتامەنتى 2025 جىلعى 14 اقپاننان باستاپ قازاقستاننان ەۋرازيالىق ەكونوميكالىق وداققا مۇشە مەملەكەتتەرگە وڭدەلمەگەن كۇيدە سوم جانە كوكسەركە بالىقتارىن شىعارۋعا تىيىم سالدى، دەپ حابارلايدى “ادىرنا” ۇلتتىق پورتالى.
تىيىم 2025 جىلعى 14 تامىزعا دەيىن، ياعني التى اي بويى كۇشىندە بولادى.
ۆەدومستۆونىڭ حابارلاۋىنشا، بۇل شارا تاريفتىك ەمەس رەتتەۋ شارالارىن ىسكە اسىرۋ ماقساتىندا قابىلدانۋدا.
تىيىمعا سايكەس مۇزداتىلعان جانە بالعىن نەمەسە سالقىنداتىلعان كوكسەركە مەن سومدى ەكسپورتتاۋعا بولمايدى.
باتىس قازاقستان وبلىسى بويىنشا مەملەكەتتىك كىرىستەر دەپارتامەنتى تىيىمنىڭ وڭدەلگەن مۇزداتىلعان كوكسەركە مەن سوم ونىمىنە، ياعني ىشەك-قارنى الىنعان بالىققا قولدانىلمايتىنىن اتاپ ءوتتى.
“بۇل ءونىم وڭدەلگەن ءونىم رەتىندە جىكتەلەدى، سوندىقتان وعان شەكتەۋ شارالارى قولدانىلمايدى. سىرتقى ساۋدا قاتىسۋشىلارىن تىيىمنىڭ قولدانىلۋ مەرزىمىنە نازار اۋدارۋعا جانە كەدەندىك راسىمدەۋ كەزىندە ماسەلەلەردىڭ الدىن الۋ ءۇشىن تاۋارلاردىڭ ءتيىستى جىكتەلۋىن مۇقيات قاداعالاۋعا شاقىرامىز”، – دەلىنگەن ۆەدومستۆو حابارلاماسىندا.
