Elimizde sý tasqynyn boljaý júıesi óndiristik qoldanysqa berildi. Bul týraly búgin, 18 aqpanda Sý resýrstary jáne ırrıgaııa mınıstrligi málimdedi, dep habarlaıdy “Adyrna” ulttyq portaly.
"Elimizde Tasqyn sý tasqynyn boljaý jáne modeldeý júıesi óndiristik qoldanysqa berildi. Sý resýrstary jáne ırrıgaııa mınıstri Nurjan Nurjigitov sý tasqyny kezeńine daıyndyq máseleleri boıynsha apparat keńesin ótkizdi",- delingen aqparatta.
Vedomstvo dereginshe, búgingi tańda ózenderdiń 128 ýchaskesindegi 142 sý beketi boıynsha sý tasqynyn modeldeý júrgiziledi. "Qazsýshar" fılıaldary men basseındik ınspekııalardyń 114 mamany sý beketteri boıynsha derekterge kúndelikti taldaý jasaıdy jáne ony júıege engizedi.
"Tasqyn júıesi jahandyq GloFAS sý tasqyny jóninde eskertý júıesine biriktirilgen. Tasqyn 2025 jyldyń sý tasqyny kezeńine sońǵy boljamdy naýryz aıynyń basynda beredi", dedi Sý resýrstary jáne ırrıgaııa mınıstrligi.
Mınıstr Nurjan Nurjigitovtiń aıtýynsha, sý tasqynyna el ishindegi daıyndyqtan bólek, biz kórshi memleketterdegi áriptesterimizben de turaqty baılanystamyz.
"Aqparat almasý jedel júredi. Kóktemgi sý tasqynyn qabyldaýǵa qoımalarda bos oryn daıyndaý úshin sý tastaý jumysy jalǵasyp jatyr. Búgingi tańda elimizdiń sý qoımalary 13 mlrd tekshe metr sý qabyldaı alady",- dep naqtylady ol.
