Soltüstık Qazaqstan oblysyndaǧy Sergeevka su qoimasynda su deŋgeiı köterılıp keledı, dep habarlaidy "Adyrna" tılşısı QazAqparatqa sıltep.
"Qazgidromet" RMQ SQO filialy aldaǧy künderı bırneşe audany men Petropavlda Esıl özenınıŋ suy tasidy dep boljaǧan.
Jauaptylardyŋ aituynşa, Esıl audanynda sudyŋ tasu şegı 14 cäuırde, Qyzyljarda 21 säuırde dep kütılude. Odan bölek, Petropavlǧa Sergeevka su qoimasynan tasqyn 12-14 säuırde kele bastap, 23 säuırde şaryqtau şegıne jetuı mümkın. Odan bölek BAQ-ta Sergeev su qoimasy 50 jylda alǧaş ret qauıptı deŋgeige köterılgenı aityldy.«Soltüstık Qazaqstan oblysynda 19 gidrologiialyq beket jūmys ısteidı. Qazır su tasqynyna bailanysty monitoringtı jiılettık. Öŋırdegı gidrologiialyq jaǧdaiǧa kelsek, şaǧyn Aqanbūrlyq, Babyqbūrlyq, Şaryq özenderı deŋgeiınıŋ tūraqty tömendeuı baiqalady. Būl özenderde sudyŋ tasu deŋgeiı şegıne jettı dep aita alamyz. Sonymen qatar Toqsan bi gidrologiialyq beketınde de tömendeu bar, al Sergeevka su qoimasynda sudyŋ 418 sm-ge köterılgenı baiqalady, sudyŋ köterıluı 400-430 sm-ge jetedı dep boljanǧan. Aldaǧy täulıkte bırınşı tolqyn ötedı dep kütılude. Su aǧyny Şal aqyn, Esıl, Qyzyljar audany jäne Petropavl qalasy arqyly ötedı», - dedı «Qazgidromet» RMK SQO filialynyŋ direktory Qymbat Merǧalimova.
Ūqsas jaŋalyqtar
