Almatyda burynǵy ǵashyǵy áıelge qatygezdikpen shabýyl jasaǵan. Ol áıelge benzın quıyp, órtegen. Bul týraly quqyq qorǵaýshy Dına Tańsári Facebook paraqshasynda jazdy, dep habarlaıdy “Adyrna” ulttyq portaly.
Aıtýynsha, 41 jastaǵy Indıra uzaq ýaqyt boıy burynǵy súıiktisinen zardap shekken. Boprıev – Reseı azamaty. Indıra ekeýi azamattyq nekede bolǵan. Olar 2019 jyly ajyrasady. Al 2020 jyly er adam ony soqqyǵa jyǵyp, qolyn syndyrady. Sot sheshimi boıynsha ol Qazaqstannan shyǵarylýy kerek boldy, alaıda ol jasyrynyp júrgen.
20 jeltoqsanda er adam Indıranyń jumysyna kelip, ony óltiremin dep qorqytqan. Indıra polıııaǵa qońyraý shalady, biraq týystarynyń aıtýynsha, polıııa esh áreket etpegen.
"21 jeltoqsanda Boprıev dúkenge eki kanıstr benzınmen, tapansha jáne ottyqpen keledi. Tapanshamen qorqytyp, satyp alýshyny dúkennen qýyp jiberdi de, dúkendi ishten jaýyp aldy. Ol aınalaǵa, ápkeme benzın quıyp, órtep jiberdi. Saldarynan jarylys bolyp, terezeler men esikter syndy. Ápkemdi dúkenge kelgen Baýyrjan Áýelbekov atty satyp alýshy qutqaryp, aman alyp qaldy", – dedi jábirlenýshiniń týysy.
Qutqarǵan taksıst te jaraqat alyp, qolyn kúıik shaldy. Shabýyldaǵan er adam jalyndaǵan ǵımarat ishinde qalyp, tirideı órtenip ketti. Al aýyr haldegi áıel aýrýhanaǵa jetkizildi. Sondaı-aq dúken men dárihana janyp ketti.
"Deneniń termııalyq kúıigi – 9%. Basy, qoly, aıaǵy kúıdi, Kúıiktiń 2% tereń aýyrlyq dárejede. Áıelde joǵarǵy tynys joldarynyń jeńil kúıigi, kóz konıýnktıvasynyń I dárejeli kúıigi anyqtaldy. Qabyldaý kezinde jaǵdaıy aýyr bolyp, reanımaııa bólimshesine jatqyzyldy. Bir táýlikten keıin kúıik shalý bólimine aýystyryldy. Qazirgi ýaqytta naýqastyń jaǵdaıy ortasha dárejede", – dep habarlady Almaty qoǵamdyq densaýlyq saqtaý basqarmasy.
