Qazaqstanda jürgızuşılerdıŋ Aİ-95 jäne Aİ-98 benzinınıŋ sapasyna qatysty şaǧymdarynan keiın otynnyŋ sapasy tekserılıp jatyr, dep habarlaidy “Adyrna” tılşısı.
Bırqatar jürgızuşı jelıde Aİ-95 jäne Aİ-98 benzinın qūiǧannan keiın kölıkterınde aqau paida bolǧanyn aityp, şaǧymdanǧan. Osydan keiın otyn sapasyna qatysty tekseru bastaldy.
Tekserıstı sauda jäne integrasiia ministrlıgıne qarasty tehnikalyq retteu jäne metrologiia komitetınıŋ aumaqtyq departamentı jürgızude.
Mamandar benzindı üş negızgı kezeŋde zertteidı:
– Pavlodar mūnai-himiia zauyty;
– mūnai bazalary;
– janarmai qūiu stansiialary.
Qazırdıŋ özınde Almatydaǧy 5, Almaty oblysyndaǧy 5, Abai oblysyndaǧy 6 jäne Jambyl oblysyndaǧy 1 AZS-dan baqylau üşın benzin ülgılerı alynǧan. Barlyǧy – 17 janarmai qūiu stansiiasy.
Sonymen qatar arbitrajdyq synamalar täuelsız zerthanaǧa jıberıldı. Sinoil, QazaqOil jäne Helios jelılerındegı qospalary bar benzin de jeke zertteledı.
Ministrlıkke benzin sapasyna qatysty 12 azamattyŋ ötınışı tüsken. Onyŋ 9-y Astanadan, 1-euı Pavlodardan jäne 2-euı Soltüstık Qazaqstan oblysynan tüskenı anyqtaldy.
Eger tekseru barysynda benzinnıŋ tehnikalyq reglament talaptaryna säikes kelmeitını anyqtalsa, ony satuǧa tyiym salynyp, sapasyz janar-jaǧarmai materialdary ainalymnan alynuy mümkın.
