Bır aptada el boiynşa äleumettık maŋyzy bar azyq-tülık baǧasyn negızsız köterudıŋ 734 faktısı anyqtaldy. Būl turaly QR Sauda jäne integrasiia ministrlıgı Sauda komitetınıŋ baspasöz qyzmetınen mälımdedı, dep habarlaidy “Adyrna” ūlttyq portaly.
«Soŋǧy aptada 40,3 myŋ dükenge reid jürgızıldı. Nätijesınde azyq-tülık baǧasyn negızsız kötergen 734 düken anyqtaldy. Äleumettık maŋyzy bar tauarlardy qymbat baǧamen satqany turaly derekter köbıne Nūr-Sūltan qalasy (278) men Şyǧys Qazaqstan oblysynda (80) tırkeldı. Odan ärı Türkıstan oblysynda – 38, Batys Qazaqstan oblysynda – 33, Qostanai jäne Maŋǧystau oblystarynda – 32, Jetısu oblysynda – 30 düken tauarǧa üsteme qūn qosqan. Mūndai faktıler eŋ az anyqtalǧany – Ūlytau oblysynda. Onda baǧany negızsız kötergender turaly 6 jaǧdai tırkeldı. Äleumettık maŋyzy bar azyq-tülık baǧasyna qosylǧan üsteme 15 paiyzdan assa, onda 300 AEK mölşerınde aiyppūl salynatynyn eskertemız», - delıngen baspasöz mälımetınde.Qūzyrly organ reid qorytyndysy boiynşa ışkı sauda subektılerıne qatysty eskertu türınde 126 äkımşılık hattama toltyrylyp, 1 aiyppūl salǧan. Al köpşılık sauda obektılerı tüsındıru jūmystarynan keiın äleumettık maŋyzy bar azyq-tülık baǧasyn 5-15 paiyzǧa deiın tömendetken.
”Adyrna” ūlttyq portaly
Ūqsas jaŋalyqtar
