Mäjılıs deputattary, Amanat partiiasy fraksiiasynyŋ müşelerı Arman Qalyqov, Kūdaibergen Beksūltanov pen Nikita Şatalov «Qazaqstan» şahtasyndaǧy jaǧdaimen jäne jedel ştab jūmysymen tanysty. Mäjılıstegı partiia fraksiiasy alǧaşqy saǧattan-aq jaǧdaidy erekşe baqylauda ūstap otyr.
Halyq qalaulylary qaiǧyly oqiǧa ornynda «Arselor Mittal Temırtau» AQ ökılderımen kelıssöz jürgızdı, sondai-aq qaza tapqan jäne joǧalyp ketken şahterlerdıŋ otbasylarymen jäne käsıpodaq ökılderımen kezdestı.
«Men osy Şahtinsk qalasynda 45 jyl ömır sürıp, atalǧan kompaniiada 27 jyl jūmys ıstedım. Osy jäne osyǧan deiıngı apattar köz aldymda boldy. Būl – ülken qasıret. Mūndai apattar ünemı qaitalanady. Memleket pen uäkılettı organdar tarapynan baqylaudy küşeitetın kez keldı. Sebebı kömır önerkäsıbı Qazaqstanda ǧana emes, bükıl älemde eŋ qauıptı sala sanalady. Amanat partiiasy tergeu amaldaryn jıtı qadaǧalap, qaza tapqandar men olardyŋ otbasylary üşın ädıldık ornatady», – dedı Mäjılıs deputaty Arman Qalyqov.Amanat partiiasy közdegen basty maqsattyŋ bırı – bolaşaqta osyndai oqiǧalarǧa jol bermes üşın barlyq jūmysşyǧa senımdı jaǧdai jasau.
«Būl – 90-şy jyldary Mittalǧa su-tegınge berılgen infraqūrylymǧa nemqūraidy qaraudyŋ saldary. Ai men künnıŋ amanynda otandastarymyzdan aiyrylyp qalyp jatyrmyz. Būdan bylai būǧan jol beruge bolmaidy. Būl jaǧdai ärqaisymyz, tıptı tūtas halqymyz üşın ülken qasıret. Ökınışke qarai, mūndai apattar kele-kele qalypty jaǧdaiǧa ainalyp, oǧan etımız üirenıp bara jatqanyn baiqap otyrmyz. Mäiıt tabylady, saldary joiylady. Osyndai oqiǧalardyŋ ünemı qaitalanyp otyrǧanyna üirenısıp kettık. Kelesı künı tük bolmaǧandai, şahterler taǧy öz ömırın qauıp-qaterge tıgıp, ädetkı jūmysyna kırısedı. Būǧan toqtau salatyn kez keldı. Jūmysşylar laiyqty jalaqy alyp qana qoimai, otbasyna aman-esen oralatynyna senımdı boluy kerek», – dedı deputat Nikita Şatalov.
Ūqsas jaŋalyqtar
