Áıeli Saltanat Núkenovany óltirdi degen kúdikke ilingen eks-mınıstr Qýandyq Bıshimbaevtyń isine qatysty aldyn ala sot tyńdalymy bastaldy, dep habarlaıdy “Adyrna” ulttyq portaly.
Proess Astana qalasynyń qylmystyq ister jónindegi mamandandyrylǵan aýdanaralyq sotynda ótip jatyr.
Bıshimbaev sotqa betperdemen kelgen. Al BAQ ókilderin sot zalyna kirgizgen joq.
Aıta keteıik,9 qarashada BAQ pen Telegram-arnalar burynǵy ulttyq ekonomıka mınıstri Qýandyq Bıshimbaev Astanada áıelin uryp óltirdi kúdikpen ustalǵanyn habarlady. Astana qalasy polıııa departamenti 9 qarashada elordadaǵy meıramhana qonaqtarynyń arasynda janjal shyǵyp, saldarynan bir áıeldiń qaza tapqanyn rastady.
Elordalyq PD kúdikti qamaýǵa alynyp, tergeý amaldary júrgizilip jatqanyn málimdegen edi. Qýandyq Bıshimbaevtiń ustalǵanyn 10 qarashada Ishki ister mınıstriniń orynbasary Serik Sársenov rastady. Sonymen qatar 10 qarashada Astanada eks-mınıstr Qýandyq Bıshimbaev ustalǵan sátinde túsirildi degen sýret jelide taraǵan. Sondaı-aq eks-mınıstrdiń áıeli Saltanat Núkenova Pavlodar qalasy eks-ákiminiń jıeni ekeni rastaldy.
