Túrkistan oblysynda úsh balany qaǵyp ketip, jol-kólik oqıǵasyn jasaǵan kúdikti izdestirilýde, dep habarlady «Adyrna» tilshisi Polisia.kz-ke silteme jasap.
14 aqpan Túrkistan oblysy Jetisaı aýdanynda jasy kámeletke tolmaǵan balalardyń qatysýymen jol-kólik oqıǵasy boldy.
Naqtyraq aıtar bolsaq, 14 aqpanda Jetisaı aýdandyq polıııa bólimine aýrýhanadan túrli dene jaraqattarymen kámelet jasyna tolmaǵan úsh balanyń jetkizilgeni týraly habarlama tústi. Atalǵan jaıt boıynsha polıeıler birden tekserý jumystaryn júrgizdi.
Oqıǵa ornyna jedel jetken polıeıler sol kúni keshki saǵat 17:50 shamasynda Jetisaı aýdanyndaǵy S.Erýbaev kóshesi boıynda belgisiz avtokólik ońtústikten soltústik baǵytyna qaraı júrip bara jatyp, úsh jasóspirim balany soǵyp ketkenin anyqtaldy. Nátıjesinde úsh bala da aýrýhanaǵa jetkizilgen. Iaǵnı, 16 jáne 13 jas shamasyndaǵy balalar túrli dene jaraqattarymen em qabyldasa, nebary tórt jastaǵy búldirshin aýyr dene jaraqatynyń saldarynan jansaqtaý bólimine túsip, kóz jumdy.
Atalǵan jaıt Jetisaı aýdandyq polıııa bóliminde QR QK-niń 345-baby (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) jáne kúdiktiniń oqıǵa ornyn tastap ketkeni úshin QR QK-niń 347-baby (Jol-kólik oqıǵasy bolǵan jerden ketip qalý) boıynsha sotqa deıingi tergep-tekserýdiń biryńǵaı tizilimine tirkeldi. Bul qylmysty jedel ashý maqsatynda aýdan polıeıleri kúdiktini anyqtaýǵa qatysty jedel izdestirý jumystaryn júrgizýde.
Búginde oqıǵa ornyn tııanaqty teksergen tártip saqshylary sol orynnan belgisiz avtokóliktiń artqy jaryq shamdarynyń synyqtary men aına synyqtaryn aldy. Bul zattardyń «Aýdı-100» markaly avtokóligine tıesili jáne kóliktiń túsi sur-qara (mokryı asfalt) bolýy yqtımal dep boljanýda.
«Adyrna» ulttyq portaly
