Aqtaý qalasynda 80-ge jýyq jasóspirim jappaı tóbeles shyǵarǵan. Oblystyq polıııa departamentiniń málimetinshe, sotqa deıingi tergeý bastalyp, alty jasóspirim ýaqytsha ustaý ızolıatoryna qamaldy. Bul týraly Lada.kz jarııalady, dep habarlaıdy “Adyrna” ulttyq portaly.
Aqparatqa súıensek, jappaı tóbelesten keıin 80-ge jýyq jasóspirim polıııaǵa jetkizildi, olardyń altaýy ýaqytsha ustaý ızolıatoryna qamalǵan.
Oqıǵa ornyna polıııa qyzmetkerlerinen quralǵan jasaq kelip, 15 pen 18 jas aralyǵyndaǵy 76 adam Aqtaý qalalyq polıııa bólimine jetkizildi. Kámeletke tolmaǵan 56 balanyń ata-anasyna qatysty QR ÁQBtK-niń 442-baby (Saǵat 23.00-den keıin kámeletke tolmaǵandardy zańdy ókilderiniń erip júrýinsiz kóshede tabý) boıynsha ákimshilik hattamalar toltyryldy. Sondaı-aq QR Qylmystyq kodeksiniń 293-baby (buzaqylyq) boıynsha qylmystyq is qozǵalyp, alty jasóspirim ýaqytsha ustaý ızolıatoryna qamaldy, – dedi Mańǵystaý oblystyq polıııa departamentiniń baspasóz qyzmeti.
