QR Joǵary Sotynyń Qylmystyq ister jónindegi sot alqasynyń tóraǵasy Nazgúl Rahmetýllına Ulttyq qaýipsizdik komıteti tóraǵasynyń eks-orynbasary Samat Ábishke baılanysty pikir bildirdi, dep habarlaıdy Adyrna.kz ulttyq portaly.
“Samat Ábishtiń isin men qaramaǵandyqtan istiń mán-jaıyn bilmeımin. Sebebi men bul iste bolmadym. Al Qylmystyq Kodekstiń 63 babynda qaı kezde shartty túrde bosatylýǵa bolmaıtyndyǵy jazylǵan. Sybaılas jemqorlyq týraly, asa aýyr qylmys jasasa shartty túrde sottaý múmkin emes. Meniń bilýimshe men aıtqan sanattarǵa jatpasa, asa aýyr qylmys, sybaılas jemqorlyq bolmasa onda shartty túrde sottalýǵa eshqandaı tyıym salynbaǵan”, - dedi ol.
