Şyǧys Qazaqstan oblysynyŋ Ridder qalasynda polisiia qyzmetkerlerı sanitarlyq jaǧdaiy talapqa sai kelmeitın üide tūrǧan tört balany anyqtady, dep habarlaidy "Adyrna" ūlttyq portaly.
Balalardyŋ üşeuı beiımdeu ortalyǧyna, al eŋ kışısı auruhanaǧa jetkızıldı.
Jergılıktı PD mälımetınşe, oqiǧa ornyna körşılerdıŋ şaǧymynan keiın qūqyq qorǧau organdary men qorǧanşylyq qyzmetınıŋ ökılderı barǧan. Tekseru barysynda üide azyq-tülık pen auyzsu bolmaǧany, sanitarlyq jaǧdaidyŋ öte naşar ekenı anyqtalǧan.
Üidıŋ ışı ūzaq uaqyt boiy tazalanbaǧan. Qabyrǧalary men töbesınde kögergen ızder bolǧan, bölmelerde taraqandar jürgen.
«Qauıpsız üi» jedel-profilaktikalyq ıs-şarasy aiasynda Ridder qalasynyŋ polisiiasy, probasiia qyzmetı jäne qorǧanşylyq organdarynyŋ qyzmetkerlerı qauıptı jaǧdaida ömır sürgen otbasyn anyqtady. Üidıŋ ışınde azyq-tülık pen su bolmaǧan, sanitarlyq jaǧdaiy öte naşar bolǧan. Otbasynda 2020–2025 jyldar aralyǧynda tuǧan tört kämeletke tolmaǧan bala tūrǧan», – delıngen polisiia habarlamasynda.
Tekseru nätijesınde balalardyŋ qauıpsızdıgın qamtamasyz etu maqsatynda olardyŋ üşeuı beiımdeu ortalyǧyna, al eŋ kışısı medisinalyq kömek körsetu üşın auruhanaǧa ornalastyryldy.
Qazır balalardyŋ jaǧdaiyna qatysty özge mälımetter habarlanǧan joq.
