Almatyda polıııa jekemenshik úıdiń qorshaýyn qasaqana órtegen kúdiktini izdestirip jatyr, dep habarlaıdy “Adyrna” ulttyq portaly Massagetke siltep.
Oqıǵa 11 aqpanda Turǵyt Ozal kóshesinde bolǵan.
Beınebaqylaý kameralaryna túsip qalǵan kadrlarǵa sáıkes, belgisiz er adam qolyndaǵy janǵysh suıyqtyq toly kanıstrmen kelip, úıdiń qorshaýyna ot qoıǵan.
Úı ıesiniń aıtýynsha, oqıǵa kezinde úı ishinde kishkentaı balalar bolǵan. Degenmen, der kezinde áreket etilip, órtten eshkim zardap shekken joq.
"Ol Tóle bı kóshesinen úıime qaraı ádeıi kelgen, qolynda janǵysh suıyqtyq toly kanıstr bolǵan. Sol kezde ishte kishkentaı balalar boldy", – dedi almatylyq áıel.
Almaty polıııa departamentiniń málimdeýinshe, bul fakt boıynsha "qasaqana órt qoıý" baby boıynsha qylmystyq is qozǵaldy. Qazir kúdiktiniń jeke basyn anyqtaý jáne qylmystyń sebebin bilý úshin jedel izdestirý sharalary júrgizilip jatyr.
"Qasaqana órt qoıý deregi boıynsha qylmystyq is qozǵaldy. Qazir kúdiktini jáne qylmystyń sebebin anyqtaý úshin jedel izdestirý is-sharalary júrgizilip jatyr", – dedi Almaty Polıııa departamentiniń baspasóz qyzmeti ókili.
