Almatyda tört adam 8 qap aqböken müiızın satpaq bolǧan. Küdıktıler Almaty qalasy Polisiia departamentınıŋ Ūiymdasqan qylmysqa qarsy küres basqarmasynyŋ qyzmetkerlerımen jürgızılgen arnaiy ıs-şaranyŋ nätijesınde anyqtaldy, dep habarlaidy “Adyrna” ūlttyq portaly.
«Arnaiy ıs-şaranyŋ negızgı kezeŋın Almaty oblysynyŋ aumaǧynda jedel qyzmetkerler men arnaiy jasaq jürgızdı. Ol jerde «Hiundai» avtokölıgı toqtatyldy, onyŋ ışın tıntu barysynda 1 myŋ 212 dana kölemındegı 8 qap müiız tabyldy jäne tärkılendı. Küdıktıler PD-nıŋ uaqytşa ūstau izoliatoryna qamaldy. Sirek kezdesetın jäne qūryp ketu qaupı töngen, sondai-aq tyiym salynǧan ösımdıkter men januarlar türlerımen, olardyŋ bölıkterımen nemese derivattarymen zaŋsyz ainalysu deregı boiynşa sotqa deiıngı tergeu bastaldy», - dedı, Almaty qalalyq polisiia Departamentı bastyǧynyŋ orynbasary, polisiia polkovnigı Quatbek Nauatov. QR QK-nıŋ 201 babyna säikes özge aqparat tergeu müddesıne orai jariia etılmeidı.Ūqsas jaŋalyqtar
