Almatyda sport infraqūrylymyn damytuǧa baǧyttalǧan keşendı jobalar jüzege asyp jatyr. Almaty qalasy äkımınıŋ orynbasary Azamat Qaldybekov Öŋırlık kommunikasiialar qyzmetınıŋ alaŋynda osylai dedı.
Nūrkent şaǧyn audanynda 4 jabyq jäne ärtürlı jabyndysy bar 10 aşyq korty qamtityn «Alatau» tennis ortalyǧynyŋ qūrylysy bıttı. Raiymbek daŋǧyly, 312 mekenjaiynda mümkındıgı şekteulı jandarǧa arnalǧan arnauly sport ortalyǧy da salynyp jatyr. Ony 2026 jyly salyp bıtpek.
Basty basym baǧyttardyŋ bırı – FIFA jäne UEFA standarttaryna sai 35 myŋ oryndyq jaŋa futbol stadionynyŋ qūrylysy. Sondai-aq, Ortalyq stadiondy qaita jaŋǧyrtu, tarihi kelbetın saqtai otyryp «Medeu» mūz aidynyn jaŋartu mene qalanyŋ är audanynda alty dene şynyqtyru-sauyqtyru keşenın salu da josparlanǧan.
Būl jobalardy ıske asyrudyŋ basty maqsaty – sporttyŋ barşa tūrǧyndar üşın qoljetımdılıgın arttyryp, Qazaqstannyŋ sport astanasy retındegı Almatynyŋ märtebesın nyǧaitu.
Sonymen qatar, almatylyq sportşylar respublikalyq jäne halyqaralyq arenalarda joǧary nätijeler körsetıp keledı. 2025 jyly olar 4 myŋnan astam medal jeŋıp aldy: sonyŋ ışınde 3 534-ı – Qazaqstan chempionattarynda, 119-y – Älem kubogynyŋ kezeŋderınde, 298-ı – Aziia chempionattarynda jäne 68-ı – älem bırınşılıkterınde. Airyqşa jetıstıkterdıŋ qatarynda mänerlep syrǧanaudan älem chempionatynda Mihail Şaidorovtyŋ kümıs jüldesı, sporttyq gimnastikadan Nariman Kurbanov pen Milad Karimidıŋ Älem kubogyndaǧy jeŋısterı, sondai-aq jasöspırımder arasyndaǧy şahmattan ekı dürkın älem chempiony atanǧan Kseniia Balabaevanyŋ tabysy bar.
Sondai-aq, 8 almatylyq sportşy Qazaqstannyŋ ūlttyq qūramasy sapyna enıp, IX Qysqy Aziia oiyndarynda 20 medal ielenuge üles qosty. Almatylyqtardyŋ jetıstıgı qalany eldegı sporttaǧy jetekşı ortalyqqa ainaldyryp otyr.
