Sonymen Ukraina-Resei soǧysyna qatysty Tramptyŋ naqty pozisiiasy belgılı bola bastady. Jäne būl pozisiia köŋıl könşıterlık emes.
Tramp Putinmen söileskenın aitty. Būl turaly ol Truth Social jelısıne jazdy. Bylai deidı:
"Men jaŋa ǧana Resei prezidentı Vladimir Putinmen ūzaq uaqyt telefonmen söilestım. Bız Ukrainany, Taiau Şyǧysty, energetikany, jasandy intellektını, dollardyŋ yqpalyn jäne basqany söz ettık. Bız ekeumız de öz halqymyzdyŋ ūly tarihyn eske aldyq jäne Ekınşı düniejüzılık soǧysta bırge soǧysyp, jeŋıske jetkenımızdı aittyq. Resei ol sätte ondaǧan million halqyn joǧaltty, bızde az şyǧynǧa ūşyramadyq. Bız öz elımızdıŋ quaty men bolaşaqtaǧy özara ärıptestık arqyly tabuǧa bolatyn paidany aittyq. Alaida eŋ aldymen bız Resei men Ukraina arasyndaǧy soǧysty jäne jappai qyrǧyndy toqtatu jaily kelıstık. Prezident Putin tıptı menıŋ sailau nauqanyndaǧy «Sergek oi» ūranymdy da qoldandy. Ekeumız de osyǧan senemız. Bız tyǧyz bailanys ūstauǧa kelıstık jäne ekı el arasyndaǧy sapardy da oilastyrudamyz. Sonymen bırge bız öz komandalarymyzǧa dereu arada kelıssözdı bastauǧa tapsyrma beruge kelıstık. Menıŋ bırınşı qadamym Ukraina prezidentı Zelenskiige qoŋyrau şaludan bastalady, men oǧan qazır habarlasyp, Putinmen söileskenımdı aitamyn. Men Memlekettık Hatşy Marko Rubioǧa, SRU direktory Djon Retkliffke, Ūlttyq qauıpsızdık boiynşa keŋesşı Maikl Uoltsqa jäne arnaiy ökıl Stiv Uitkoffqa kelıssözdı bastauǧa tapsyrdym jäne onyŋ nätijelılıgıne senemın. Men prezident bolsam būl soǧys bolmas edı jäne milliondar ölmes edı. Alaida soǧys boldy, demek ony aiaqtau qajet. Endı adamdardyŋ ǧūmyry üzılmeuı tiıs!Men prezident Putinge osy äŋgıme barysy üşın alǧys aitqym keledı jäne keşe keremet jan Mark Fogeldı bosatqanyna rizaşylyq bıldıremın. Men ony Aq üide özım kütıp aldym. Men būl prosesstıŋ jaqyn arada qaqtyǧysty tiımdı retteitınıne senemın!" - dep jazdy.
Tramptyŋ äŋgımesınen ne ūǧuǧa bolady?
Bırınşıden, Tramp Zelenskiimen söilesıp, qaqtyǧys nüktelerı boiynşa ortaq közqaras qalyptastyryp, artynşa Putinge habarlasuy tiıs edı. Logika boiynşa solai. Alaida ol Putinmen bırınşı söilestı jäne tüiısetın nüktelerdı anyqtady.
Ekınşıden, Tramptyŋ postynda arnaiy ökıl Uitkoff jaily aityldy. Uitkoff negızınen Taiau Şyǧys boiynşa arnaiy ökıl edı, al Ukraina boiynşa arnaiy ökıl Kit Kellogg bolatyn. Kellogg jaily bır auyz söz joq. Soǧysty aiaqtauǧa qatysty nūsqalardy Kellogg ūsynady, bıraq ol turaly eşteŋe aitylmady. Kelloggtyŋ pıkırı de, jūmysy da, osy uaqytqa deiın ötkızgen kezdesulerı de qanşalyqty maŋyzǧa ie ekenı tüsınıksız bolyp qaldy. Aldaǧy Miunhen qauıpsızdık konferensiiasynda ol Europa elderımen kezdesedı. Ne aitaryn köremız.
Üşınşıden, bügın "Ramştain" kezdesuı öttı. AQŞ-tyŋ Qorǧanys ministrı Pit Hegset qatysty. Alǧaş ret Ramştain kezdesuınde AQŞ Ukrainaǧa äskeri kömek paketın jariialamady. Hegset AQŞ üşın negızgı bäsekelestık aimaq Qytai öŋırı ekenın aitty. Qazır AQŞ-tan Ukrainaǧa kelıp jatqan qaru Baiden berıp ketken qarular. Al Tramp qaru berudı jalǧastyra ma, joq pa, ol jaǧy beimälım.
Ashat Kasengali
Ūqsas jaŋalyqtar
