Sonymen Ýkraına-Reseı soǵysyna qatysty Tramptyń naqty pozıııasy belgili bola bastady. Jáne bul pozıııa kóńil kónshiterlik emes.
Tramp Pýtınmen sóıleskenin aıtty. Bul týraly ol Truth Social jelisine jazdy. Bylaı deıdi:
"Men jańa ǵana Reseı prezıdenti Vladımır Pýtınmen uzaq ýaqyt telefonmen sóılestim. Biz Ýkraınany, Taıaý Shyǵysty, energetıkany, jasandy ıntellektini, dollardyń yqpalyn jáne basqany sóz ettik. Biz ekeýmiz de óz halqymyzdyń uly tarıhyn eske aldyq jáne Ekinshi dúnıejúzilik soǵysta birge soǵysyp, jeńiske jetkenimizdi aıttyq. Reseı ol sátte ondaǵan mıllıon halqyn joǵaltty, bizde az shyǵynǵa ushyramadyq. Biz óz elimizdiń qýaty men bolashaqtaǵy ózara áriptestik arqyly tabýǵa bolatyn paıdany aıttyq. Alaıda eń aldymen biz Reseı men Ýkraına arasyndaǵy soǵysty jáne jappaı qyrǵyndy toqtatý jaıly kelistik. Prezıdent Pýtın tipti meniń saılaý naýqanyndaǵy «Sergek oı» uranymdy da qoldandy. Ekeýmiz de osyǵan senemiz. Biz tyǵyz baılanys ustaýǵa kelistik jáne eki el arasyndaǵy sapardy da oılastyrýdamyz. Sonymen birge biz óz komandalarymyzǵa dereý arada kelissózdi bastaýǵa tapsyrma berýge kelistik. Meniń birinshi qadamym Ýkraına prezıdenti Zelenskııge qońyraý shalýdan bastalady, men oǵan qazir habarlasyp, Pýtınmen sóıleskenimdi aıtamyn. Men Memlekettik Hatshy Marko Rýbıoǵa, RÝ dırektory Djon Retklıffke, Ulttyq qaýipsizdik boıynsha keńesshi Maıkl Ýoltqa jáne arnaıy ókil Stıv Ýıtkoffqa kelissózdi bastaýǵa tapsyrdym jáne onyń nátıjeliligine senemin. Men prezıdent bolsam bul soǵys bolmas edi jáne mıllıondar ólmes edi. Alaıda soǵys boldy, demek ony aıaqtaý qajet. Endi adamdardyń ǵumyry úzilmeýi tıis!Men prezıdent Pýtınge osy áńgime barysy úshin alǵys aıtqym keledi jáne keshe keremet jan Mark Fogeldi bosatqanyna rızashylyq bildiremin. Men ony Aq úıde ózim kútip aldym. Men bul proesstiń jaqyn arada qaqtyǵysty tıimdi retteıtinine senemin!" - dep jazdy.
Tramptyń áńgimesinen ne uǵýǵa bolady?
Birinshiden, Tramp Zelenskıımen sóılesip, qaqtyǵys núkteleri boıynsha ortaq kózqaras qalyptastyryp, artynsha Pýtınge habarlasýy tıis edi. Logıka boıynsha solaı. Alaıda ol Pýtınmen birinshi sóılesti jáne túıisetin núktelerdi anyqtady.
Ekinshiden, Tramptyń postynda arnaıy ókil Ýıtkoff jaıly aıtyldy. Ýıtkoff negizinen Taıaý Shyǵys boıynsha arnaıy ókil edi, al Ýkraına boıynsha arnaıy ókil Kıt Kellogg bolatyn. Kellogg jaıly bir aýyz sóz joq. Soǵysty aıaqtaýǵa qatysty nusqalardy Kellogg usynady, biraq ol týraly eshteńe aıtylmady. Kelloggtyń pikiri de, jumysy da, osy ýaqytqa deıin ótkizgen kezdesýleri de qanshalyqty mańyzǵa ıe ekeni túsiniksiz bolyp qaldy. Aldaǵy Mıýnhen qaýipsizdik konferenııasynda ol Eýropa elderimen kezdesedi. Ne aıtaryn kóremiz.
Úshinshiden, búgin "Ramshtaın" kezdesýi ótti. AQSh-tyń Qorǵanys mınıstri Pıt Hegset qatysty. Alǵash ret Ramshtaın kezdesýinde AQSh Ýkraınaǵa áskerı kómek paketin jarııalamady. Hegset AQSh úshin negizgi básekelestik aımaq Qytaı óńiri ekenin aıtty. Qazir AQSh-tan Ýkraınaǵa kelip jatqan qarý Baıden berip ketken qarýlar. Al Tramp qarý berýdi jalǵastyra ma, joq pa, ol jaǵy beımálim.
