AQSh prezıdenti Djo Baıden men Ýkraına prezıdenti Vladımır Zelenskıı Italııadaǵy "Úlken jetilik" (G7) elderiniń sammıtinde Ýkraınanyń qaýipsizdigi men uzaq merzimdi qoldaýy boıynsha yntymaqtastyq týraly kelisimge qol qoıdy. Kelisimge qol qoıý rásiminiń vıdeosyn amerıkandyq jáne ýkraınalyq jýrnalıster taratqan, dep habarlaıdy “Adyrna” ulttyq portaly.
Daily Mail basylymynyń jazýynsha, bul kelisim burynǵy prezıdent Donald Tramp qarashadaǵy saılaýda jeńiske jetse de, bolashaq AQSh ákimshiliginiń Ýkraınaǵa qoldaý kórsetýi úshin jasalǵan.
Kelisim Ýkraınanyń NATO-ǵa bolashaq músheligine "kópir" retinde qarastyrylady jáne on jylǵa sozylady.
Qujatqa ne kiredi?
- Ýkraın áskerılerin oqytý: AQSh ýkraın áskerılerin oqytýdy jáne jattyqtyrýdy jalǵastyrady.
- Áskerı ónerkásipti nyǵaıtý: áskerı ónerkásip salasyndaǵy elder arasyndaǵy yntymaqtastyqty keńeıtý.
- Barlaý derekterimen almasý: barlaý aqparatymen almasýdy tereńdetý.
- Sonymen qatar, Ýkraınaǵa shabýyl jasalǵan nemese mundaı shabýyl qaýpi tóngen jaǵdaıda, Kıev pen Vashıngton ókilderi AQSh-tyń yqtımal kómegin talqylaý úshin 24 saǵat ishinde shuǵyl kezdesýge jınalýǵa mindettenedi.
Aıta ketsek, kelisim AQSh-tyń Ýkraınany qorǵaý úshin AQSh áskerı kúshterin paıdalaný jónindegi mindettemelerin qamtymaıdy jáne Vashıngtonnyń Kıev aldyndaǵy qarjylyq mindettemelerin qamtymaıdy.
Qol qoıylǵannan keıingi baspasóz máslıhatynda Djo Baıden "Úlken jetilik" elderi osy jyly Ýkraınaǵa Reseıdiń muzdatylǵan aktıvteriniń paıyzyna 50 mıllıard dollar bólýdi maquldaǵanyn málimdedi, bul AQSh-tyń bastamashysy bolǵanyn atap ótti.
Buqaralyq aqparat quraldarynyń habarlaýynsha, bul kelisim Ýkraınanyń armııasyn damytýǵa kómektesý úshin uzaq merzimdi kúsh salýǵa negiz bolady jáne Ýkraınanyń NATO-ǵa túpkilikti músheligine jasalǵan qadam bolmaq.
