«Adyrna» qoǵamdyq birlestigi bas bolyp «Dúldúl án men pyraq kúı» konertin ótkizdi. Qazaq mýzykasynyń jaýhary – dástúrli ánderi men qudiretti kúıleri Ǵabıt Músirepov atyndaǵy balalar men jasóspirimder teatrynda kúmbirlep, kópshiliktiń qulaq quryshyn qandyrdy.
Tól muramyzdyń joqtaýshysy da, nasıhattaýshysy da bolyp júrgen dástúrli ánshiler sahnany saǵynyp qalsa kerek, keshegi ótken sal-serilerdiń jylqy júırikke arnap shyǵarǵan týyndylaryn shyrqady. Keshti Erbol Bilálov Jambyldyń «Shashýymen» ashyp berdi. Jolaman Qujımanov Aqan seriniń «Kók ala taı» ánin tamyljyta oryndaǵanda kórermen arǵymaqqa mingendeı arqalanyp ketse, halyq áni «Eki jırendi» shyrqap, tyńdarmandy serpiltti. Aqannyń «Toryny tań asyryp mingen qandaı» ánin oınaqtata oryndaǵan Baqtııar Aqynjanov tyńdaýshynyń qııalyn jastyq shaǵyna jeteledi. Birjan saldyń kóp nasıhattalmaı, arhıvte shań jutyp jatqan «Ker kekil» ánin jas ánshi Jasulan Saqaev, «Býyryl taıyn» Saıat Nurǵazın kóptiń aldynda shyrqady., Estaıdyń «Jaıqońyr» degen áni bar. «Áýeli bul shirkindi bastaý qıyn, Ekinshi jurttyń sózin tastaý qıyn» dep bastalatyn ánniń ekinshi nuskasyn tiriltken jan – Dánesh Raqyshev. Keshte Estaı shyǵarǵan «Jaıqońyrdyń» bizge Raqyshev arqyly jetken nusqasyn Talǵat Ábýǵazy áýeletti. Shormannyń Mustafasy atyn tartyp alyp, zorlyq-zombylyqpen jaıaý júrip kúresken Jaıaý Musanyń «Haýlaýyn» Abzal Qýanyshev, halyq ánderi «Surjekeıdi» Erkin Nurhanov, «Bozjorǵany» Elza Qarabalına tamyljyta áýeletip, ótken kúndi eske túsirdi. Patsha ókimetine qarsy shyǵyp, baı-bolystarmen jaǵalasam dep abaqtyǵa qamalyp, ómir boıy qýǵyn-súrin kórgen Imanjúsiptiń «Sarmoıyn» ánin Ózgeris Shertbaıuly, Dánesh Raqyshevtiń «Sulý jırenin» talantty ánshi Tileýles Qurmanǵalıev naqyshyna keltire oryndady. Keshtiń júrgizgen ánshi Erlan Tóleýtaı da el aldyna shyǵyp, Aqan seriniń «Mańmańkerin» shyrqap, kópshilikti bir serpiltti. Sáken Seıfýllınniń «Taý ishinde» ánin Jaqsygeldi Maıasarov berile oryndaǵanda zaldaǵylar qurmet-qoshemetin aıamady. Tursynǵazy Rahymovtyń «Erke jırenin» Jasulan Qońyrov, Aqan seriniń «Qulagerin» Erkin Shúkimanov, halyq áni «Qos qońyrdy» Ramazan Stamǵazıev oryndady.
Kúıshi Aıgúl Úlkenbaeva Qurmanǵazynyń «Kók ala at» kúıin kúmbirletse, Táttimbettiń «Bozaıǵyryn» Syrym Nurmoldın shertti. Túrki halyqtaryna ortaq «Kóroǵly» dastanyndaǵy tulpardyń shabysy baıandalatyn úzindisin jyrshy Uljan Baıbosynova aıtyp berdi. Sybyzǵyshy Talǵat Muqyshevtiń syzylta tókken kúıi qandaı tamasha!
Ánsheıinde shetelden ánshiler kelip, konertin ótkizem dese, bas qoldaýshy bolyp júretin Almaty qalasynyń ákimdigi de «Dúldúl án men pyraq kúı» konertine demeýshilik tanytqan joq. Qaǵynan jerigen qulan sekildi óziniń saf ónerinen bezingen qoǵamnyń qatigezdigi qaıda aparyp soǵar eken…
Eki saǵattan asa ýaqytqa sozylǵan tamasha keshti uıymdastyrý úshin «Adyrna» qoǵamdyq birlestiginiń tóraǵasy Arman Áýbákir bastaǵan jigitter qoldaýshy tappaı talaıdyń esiginen qaıtqan. Tasyr-tusyr, saldyr-gúldir dańǵaza mýzyka dendeı boılap alǵan qazirgi qoǵam úshin dástúrli ánderdiń qadiri bolmaı turǵany aqıqat. Sony jeleý etip baı-manaptar «dombyramen ótetin kesh pe?» degen syńaıda demeýshilik jasaýdan syrt aınalǵan kórinedi. Tek «ZHERSU» ınvestıııalyq-óndiristik korporaııasynyń basqarma tóraǵasy Baýyrjan Ospanov, Ótemis Mahanuly, Jasan Zekeıuly syndy kásipkerler ǵana atymtaı-jomarttyq tanytypty.
Qoǵamdyq birlestik tórt-bes jyldyń bederinde dástúrli ánshilerdiń qatysýymen 7 kesh uıymdastyrypty. Bárin aqsha baılap-matap qoıǵan ómir maıdanynda eńsesin tik ustap, qazaq mádenıetine tolaıym úles qosyp kele jatqan adyrnalyqtarǵa jınalǵan kópshilik alǵysyn jaýdyrdy. Endi olar Balýan Sholaqtyń týǵanyna 150 jyl tolýyna baılanysty konert ótkizbek. Olardyń aldynan shyǵatyn eń úlken kedergi – qoldyń qysqalyǵy. Mádenıet mınıstri Arystanbek Muhamedıuly birlestiktiń biregeı jobasyn qanatynyń astyna alsa, úlken saýap bolar edi.
Q.RAHMET,
Almaty qalasy,
«Jas Alash».
