TikTok platformasy Qazaqstan bıliginiń ótinishinen keıin «Ioý, orystar» ánin óshirdi. Bul týraly Qazaqstannyń mádenıet jáne aqparat vıe-mınıstri Evgenıı Kochetov TASS agenttigine málimdedi, dep habarlaıdy "Adyrna" ulttyq portaly.
Mınıstrlik ándi óshirý týraly suranysty birneshe ınternet-resýrs pen onlaın-platforma ákimshiligine jibergen. 2025 jylǵy 27 qańtardaǵy jaǵdaı boıynsha TikTok bul ótinishti oryndap, zańǵa qaıshy dep tanylǵan kontentti platformasynan alyp tastady.
Kochetovtyń aıtýynsha, bul án jáne onyń úzindileri 22 sheteldik ınternet-resýrsta anyqtalǵan.
Barlyq anyqtalǵan materıal boıynsha platformalarǵa zań buzýshylyqtardy joıý týraly habarlamalar jiberilgen.
QR Bas prokýratýrasy 29 qańtarda ánniń avtory áli anyqtalmaǵanyn málimdedi. Áleýmettik jelide jarııalanǵan trekke baılanysty Temirlan Eńsebekke qatysty QR Qylmystyq kodeksiniń 174-baby boıynsha is qozǵaldy.
Almaty polıııasy buǵan deıin QazNews24 satıralyq pablıginiń avtory Temirlan Eńsebekke qatysty qozǵalǵan istiń onyń basqa jazbalaryna qatysy joq ekenin aıtqan.
