14 mamyr künı Viacheslav Dudnik densaulyq saqtau vise-ministrı qyzmetınen bosatyǧan bolatyn. Būl kadrlyq şeşımnıŋ sebebın Bas prokuratura tüsındırdı, dep habarlaidy “Adyrna” ūlttyq portaly Tengrinews.kz saityna sıltep.
Bas prokuraturanyŋ aituynşa, Dudnik prokurorlar şyǧarǧan qadaǧalau aktısınen keiın qyzmetınen aiyryldy.
"Memleket basşysynyŋ tapsyrmasy boiynşa prokuratura maŋyzdy investisiialyq jobalardy qoldau boiynşa jūmysty jalǧastyruda. Būl qadaǧalau qyzmetınıŋ basym baǧyttarynyŋ bırı, mūndaǧy basty mındet mäselelerdı tiımdı şeşu, investorlardyŋ qūqyqtary men zaŋdy müddelerın qorǧau. Atalǧan jūmys aiasynda Densaulyq saqtau ministrlıgı 4 investisiialyq jobaǧa bailanysty Bas prokuraturanyŋ qadaǧalau aktısı boiynşa 8 tapsyrmany oryndamaǧany anyqtaldy. İnvestisiialyq ştabtyŋ nūsqauy boiynşa Densaulyq saqtau vise-ministrı V.Iý.Dudnik qyzmetınen bosatyldy», - dep habarlady qadaǧalau organy.
Sonymen bırge, Bas prokuratura ortalyq memlekettık organdar basşylarynyŋ belgılengen talaptardy oryndamaǧany üşın nemese Prezidenttıŋ «El ekonomikasyna investisiia tartu jönındegı jūmystyŋ tiımdılıgın arttyru jönındegı şaralar turaly» Jarlyǧyna säikes investisiialyq ştab şeşımderın tiısınşe oryndamaǧany üşın jeke jauapkerşılıgın eske saldy.
«Bügınde prokurorlar investorlarǧa qatysty 225 problemalyq ıstı şeştı, būl jūmys jalǧasuda jäne Bas prokuratura basşylyǧynyŋ erekşe baqylauynda», - dep tolyqtyrdy vedomstvo.
