Áleýmettik jelide Gúlnar esimdi áıel adam qazaqstandyq áıelderge úndeý jasady, dep habarlaıdy “Adyrna” tilshisi.
Tıktok paraqshasyna vıdeo júktegen áıel kóp balaly analarǵa qatysty pikirin aıtty.
“Kóp bala týmańyzdarshy! 25-30 jastaǵy kelinshekter keledi. Janynda ertken 4-5 balasy bar. Sondaı áıelderdiń kóbiniń densaýlyǵynda aqaý bar. Qant dıabeti, onkologııa, gınekologııalyq aýrýlary men artyq salmaq problemalary bar.
Kóp balaly bolýǵa sheshim qabyldasańyz, eń bolmasa analız tapsyryp, aldyn ala daıyndalyńyzdarshy. Áıeldiń densaýlyǵynan artyq eshteńe joq. Erkekke báribir. Eger áıelge birdeńe bolyp qalsa, balańyz qınalady ǵoı”, - dedi.
Keıinnen áıel adam qandaı jaǵdaıda balaly bolýǵa bolatynyn aıtty.
“Depozıtte aqshańyz bolsa, kúıeýińiz materıaldyq jadaıyńyzdy jasap tastasa, qosymsha tabys kózińiz bolsa, al bárinen de buryn densaýlyǵyńyz jaqsy bolsa, onda bala tabýǵa bolady. Balańyzdy jaqsy kórseńiz, balańyzdy oılasańyz, osylardy eskerińizdershi!”- deıdi tıktoker kelinshek Gúlnar.
Jelidegi oqyrman “Senen suraýdy umytyp edik”, “Balalarǵa tólenetin aqshaǵa kóp adam ómir súrip júr”, “5 balalalymyn, esh ókinbeımin”, “Negizi durys aıtyp otyr” dep túrli pikir jazýda.
