Áıelin óltirgeni úshin sottalǵan burynǵy mınıstr Qýanysh Bıshimbaev túrme ákimshiligine qarsy sotqa júgingen, dep habarlaıdy “Adyrna” ulttyq portaly.
Onyń advokaty Erlan Ǵazymjanovtyń aıtýynsha, qylmystyq-atqarý mekemesi Bıshimbaevtyń tárbıelik is-sharalarǵa belsendi qatysqanyn eskermeı, tıisti kótermeleý sharalaryn bermeı otyr.
Advokattyń sózinshe, Bıshimbaev Konstıtýııa kúnine arnalǵan shahmat saıysynda jeńimpaz atanǵan, sondaı-aq Raqymjan Qoshqarbaevtyń 100 jyldyǵyna oraı sottalǵandar aldynda onyń ómiri men erlikteri týraly baıandama jasaǵan. Alaıda, oǵan eshqandaı kótermeleý berilmegen.
Kótermeleý sharalary sottalǵandarǵa qosymsha kezdesýler ótkizýge múmkindik beredi. Biraq ony tek úsh aıda bir ret alý múmkin.
Qylmystyq-atqarý júıesi komıtetiniń málimdemesine sáıkes, Bıshimbaevtyń tártip buzǵany anyqtalǵan. Advokattyń aıtýynsha, eks-sheneýnik bul erejeni 2024 jyldyń jeltoqsan aıynda buzǵan.
“Mekeme basshylyǵy ony uıqydan keıin kitap oqyǵany úshin tártip buzdy dep eseptegen. Alaıda, qorǵaýymdaǵy adam sol túni tisi qatty aýyryp, dárisin ishý úshin ashanaǵa kirgen. Dáriniń áser etýin kútip turǵan kezde kitap oqı bastaǵan. Basqa sottalǵandar túnde erkin júrip, sý iship, dárethanaǵa bara alady, tipti teledıdar kóre alady. Biraq dál Bıshimbaevqa bul tártip buzý dep sanalǵan”, – dedi Ǵazymjanov.
Qazirgi tańda sot Bıshimbaevtyń shaǵymyn qarastyrýda.
