Ishki ister mınıstriniń orynbasary Igor Lepeha marqum Saltanat Núkenovanyń anasynyń Qýandyq Bıshimbaev týraly jas balany qaǵyp óltirdi degen málimdemesine qatysty pikir bildirdi, - dep habarlaıdy “Adyrna” ulttyq portaly.
Buryn habarlanǵandaı, óziniń áıeli Saltanat Núkenovany azaptap óltirdi dep aıyptalǵan burynǵy Ulttyq ekonomıka mınıstri Qýandyq Bıshimbaevtyń isi boıynsha sot otyrysynda marqumnyń anasy Bıshimbaevtyń buryn qylmys jasaǵanyn málimdegen bolatyn.
Májilis kýlýarynda osy is boıynsha Ishki ister mınıstriniń orynbasary Igor Lepehaǵa saýal qoıyldy.
«Naqty aıtqym kelmeıdi, biraq bul aqparat rastalǵan joq. Biz marqum áıeldiń (Saltanat Núkenova – jýrnalıst) týystarymen, negizinen inisimen sóılestik. Derektiń qaıdan shyqqanyn suradyq, tekserdik. Biraq ol jerde basqa is týraly aıtylǵan», - dedi Igor Lepeha.
