Qarjy monıtorıngi agenttigi Atyraýda sheneýnikterdiń qatysýymen bolǵan tóbeleske olardyń qyzmetkerleriniń eshqandaı qatysy joq ekenin resmı túrde málimdedi, dep habarlaıdy "Adyrna" ulttyq portaly.
"Atyraý oblysy boıynsha Memlekettik kirister departamenti basshysynyń orynbasaryna qatysty oqıǵaǵa baılanysty taraǵan aqparat shyndyqqa sáıkes kelmeıdi. Oqıǵa ornynda departament qyzmetkerleri bolǵan joq", – delingen agenttiktiń habarlamasynda.
QMA qoǵamdy tek resmı aqparat kózderine senýge shaqyryp, jalǵan málimetterge ermeýge keńes berdi.
Eske sala keteıik, 28 qańtarda Atyraýdaǵy oıyn-saýyq oryndarynyń birinde janjal shyǵyp, sońy tóbeleske ulasqan. Saldarynan Atyraý oblysy Memlekettik kirister departamenti basshysynyń orynbasary aýyr jaraqat alyp, komaǵa tústi degen aqparat tarady.
Buǵan deıin tóbeleske prokýratýra men Memlekettik kirister departamentiniń qyzmetkerleri qatysqan degen aqparat taraǵan bolatyn. Alaıda Qarjy monıtorıngi agenttigi bul málimetti joqqa shyǵardy.
Atyraý oblystyq polıııa departamenti oqıǵa boıynsha Qylmystyq kodekstiń 106-babynyń 1-bóligi («Densaýlyqqa qasaqana aýyr zııan keltirý») boıynsha qylmystyq is qozǵalǵanyn habarlady. Tergeý amaldary júrgizilip jatyr.
