Qazaqstannan Bahreinge qyzdardy jezökşelık üşın jıberumen ainalysqan transūlttyq ūiymdasqan topty basqarǧan äiel ekstradisiialandy dep habarlaidy "Adyrna" ūlttyq portaly Bas prokuraturanyŋ baspasöz qyzmetıne sılteme jasap.
«2021 jylǧy 5 mausymda Bas prokuratura men İnterpol qyzmetkerlerı Qazaqstan Respublikasy Syrtqy ıster ministrlıgınıŋ kömegımen Bahrein Koroldıgınen Zarifa Osmanovany ekstradisiialady. Oǧan Qazaqstannan Bahreinge qyzdardy jynystyq qatynastarǧa tüsu maqsatynda paidalanu üşın jıberudı jüzege asyrǧan transūlttyq ūiymdasqan topty basqarǧan degen küdık keltırılude», — delıngen habarlamada.
Eske sala ketsek, qylmys jasalǧannan keiın Z.Osmanova qylmystyq qudalau organdarynan jasyryndy, sol üşın halyqaralyq ızdeuge jariialanǧan. Qazırgı uaqytta ol Nūr-Sūltan qalasynyŋ tergeu izoliatoryna qamauǧa alyndy.
Eske sala keteiık, ötken jyly seksualdyq qūldyq üşın Qazaqstannan Bahreinge qyzdardy jetkızgen qylmystyq toptyŋ äreketı äşkere bolǧan edı.
2020 jyly aqpanda QR Syrtqy ıster ministrlıgınıŋ mälımetınşe, Qazaqstannyŋ Saud Arabiiasyndaǧy Elşılıgınıŋ järdemımen Bahrein polisiiasy 21 QR azamatşasyn seksualdyq qūldyqtan bosatty. Qylmyskerler adamdardyŋ senımıne kırıp, şetelde köp aqşa tabuǧa bolatyny jönınde ötırık sözge sendırgen. Boijetkender kelıskennen keiın olardyŋ qūjatyn räsımdeu, zardap şeguşılerdı, onyŋ ışınde kämeletke tolmaǧandardy zaŋdy jolmen Bahrein Koroldıgıne alyp şyǧudy ūiymdastyrǧan.QR Syrtqy ıster ministrlıgınıŋ resmi ökılı Aibek Smadiiarov osy ıspen ainalysqan qylmystyq toptyŋ qūramynda Qazaqstan azamaty bolǧanyn mälımdedı. — Jalpy zardap şekken 39 adamdy anyqtadyq, olar — Şymkent qalasy men Türkıstan oblysynyŋ tūrǧyndary. Qazırgı kezde qylmystyq ıs boiynşa küdıktı retınde 19 adam tanyldy. Olardyŋ arasynda üşeuıne ızdeu jariialandy, - dedı QR Işkı ıster ministrlıgı Tergeu departamentınıŋ basşysy Sanjar Ädılov.
2020 jyly qyrküiek aiynda osy oqiǧa boiynşa QR 135-baby 4-bölıgı 2-tarmaǧy (kämeletke tolmaǧandardyŋ saudasy) jäne 128-baby 3-bölıgı (adam saudasy) boiynşa sotqa deiıngı tergeu amaldary jürgızıldı. QR Işkı ıster ministrlıgınıŋ mälımetınşe, ūiymdastyruşylardyŋ keibırı ūstalǧan.
"Adyrna" ūlttyq portaly.
Ūqsas jaŋalyqtar
