Ūlttyq kinony qoldau ortalyǧy elımızdıŋ tükpır-tükpırınde Qazaq kinosynyŋ on kündıgın ötkızetının habarlaidy. Şara aiasynda körermenderge QR Mädeniet jäne aqparat ministrlıgınıŋ, sondai-aq Kino ortalyǧynyŋ qoldauymen tüsırılgen bırqatar filmder ūsynylady. Alǧaşqy körsetılım Qaraǧandy oblysyn qamtymaq, sodan soŋ şara özge qalalar men auyldyq okrugterde de ūiymdastyrylady. Bastamanyŋ basty maqsaty – otandyq kinonyŋ kökjiegın keŋeitıp, qazaqstandyq kinogerlerdıŋ jetıstıgımen tanystyru.
Qazaq kinosynyŋ künderı aiasynda körermender özektı taqyryptardy qauzap, el tarihy men mädenietın aişyqtaityn filmderdı tegın tamaşalai alady. Osylaişa, şalǧai auyldyŋ tūrǧyndary bügıngı qazaq kinematografiiasynyŋ üzdık tuyndylarymen qauyşpaq.
«Körsetılımdı Qaraǧandy oblysynan bastauymyzdyŋ özındık syry bar. Būl aimaq öndırıstıŋ qainaǧan ortasynda ornalasqan. Biylǧy jyldy Prezidentımız Qasym-Jomart Toqaev jūmysşy mamandyqtar jyly dep jariialaǧany belgılı. Sol sebeptı de auqymdy şarany osy aimaqtan bastauymyzdyŋ simvolikalyq mänı bar. Qaraǧandydan bastap, elımızdıŋ är būryşynda qazaq kinosynyŋ künderın ötkızu otandyq kinematografiiany ılgerıletuge serpın syilaidy dep bılemız. Sebebı ärbır filmnıŋ eŋ basty jeŋısı – onyŋ öz körermenın tabuy. Bızdıŋ maqsatymyz da ūlttyq kinony halyqqa qoljetımdı etu», – dedı Basqarma Töraǧasynyŋ kinojobalar monitoringı jönındegı orynbasary Ädılet Omarov.
Aita keteiık, būǧan deiın Kino ortalyǧynyŋ qoldauymen 117 kartinanyŋ öndırısı aiaqtaldy. Onyŋ 72-sı – körkem, 37-sı – derektı, 8-ı – animasiialyq filmder. Prokatqa şyqqan tuyndylar da artyp jatyr.
«Mäselen, Kino künderı aiasynda körsetıletın «Qajymūqan» ūlttyq ruhymyzdy asqaqtatsa, «Jambyl. Jaŋa däuır», «Dos-Mūqasan» filmderı arqyly tūlǧalarymyzdyŋ jürıp ötken jolyna qanyǧasyzdar. «Operasiia Nabat», «Vremia patriotov» qūqyq qorǧauşylarymyzdyŋ eŋbegın paş etıp, Otanǧa degen süiıspenşılıktı arttyrady. «Bokser» filmınıŋ basty prototipı özderıŋız jerlesterıŋız Serık Säpiev ekenın de aita ketu kerek. «Bauyryna salu» dep atalatyn kinoda dästürımız därıpteledı. Kışkentai körermenderge arnalǧan «Taiqazan» dep atalatyn animasiialyq film de nazarlaryŋyzǧa ūsynylady. «Almaty, ia liubliu tebia!», «Soŋǧy ükım», «Dala qasqyry», «Stop, noch», «Şulama» filmderınıŋ de aitar oiy bar. Biyl taǧy onnan asa tuyndy prokatqa şyǧady dep josparlanuda», – dedı Basqarma Töraǧasynyŋ kinojobalar monitoringı jönındegı orynbasary Ädılet Omarov.
