Jetisý oblysynda jumysshy mamandyqtary jyly aıasynda «Eńbekpen er atanǵan» kósh kerýeni mádenı sharalary bastaldy. Oblystyq mádenıet, arhıvter jáne qujattama basqarmasynyń uıymdastyrýymen qolǵa alynǵan is-shara aıasynda eńbektiń qundylyǵyn uǵyndyratyn kitaptar men sýretter kórmesi, mýzeı jádigerlerinen kórmeler qoıylyp, konerttik baǵdarlamalar usynylýda. Búginge deıin osyndaı kósh kerýen Eskeldi, Kóksý aýdandarynda bolyp ótti, dep habarlaıdy Jetisý oblysy ákiminiń baspasóz qyzmeti.
Shara barysynda Qarabulaq jáne Balpyq bı aýyldaryndaǵy mádenıet úılerinde Seıfýllın atyndaǵy oblystyq ortalyq kitaphana «Adal adam - Adal eńbek - Adal tabys» atty kitap kórmelerin uıymdastyrdy. Onda Quttybek Baıandınniń «Nurmolda Aldabergenov», «Nar tulǵa», Nıkıta Golovakııdiń óz tájırbıesi jaıly syr bólisken «Chelovek na zemle», «Den, ravnyı godý», sol sııaqty Soıalıstik Eńbek Eri Zylıha Tamshybaevaǵa arnalǵan «Jetisýdyń juldyzy», «Jer týraly jyr» kitaptary qoıyldy. Sol sııaqty aýyl sharýashylyǵy, egin sharýashylyǵy, qyzylsha, júgeri, kartop, jemis-jıdekterdi ósirý tehnologııasy, ony damytý joldary men tıimdiligi týraly kitaptarmen qatar traktorshy, kombaınshy, júrgizýshi, dánekerleýshi, sanıtarlyq tehnık, aspaz t.b mamandyqtar týraly anyqtamalar men kásibı baǵdar beretin baspalyq dúnıeler kópshilik nazaryna usynyldy. Sondaı-aq ádebıettegi eńbek adamynyń beınesin ashatyn kórkem shyǵarmalar da atalǵan kórmeden tabyldy.
Osy kúnderi Taldyqorǵandaǵy Kórkemóner galereıasynyń kórmesi qoıylyp, oǵan kásipqoı sýretshiler J.Músápir, J.Seıithamıt, Q.Orazǵalıev, M.Ábdreev, N.Joshybaev jáne t.b. sýretshilerdiń jumystary aparyldy. Sonymen qatar elimizdiń órkendeýine zor úles qosqan Soıalıstik eńbek erleri Z.Tamshybaeva, D.Qonaev, N.Aldabergenov, N.Golovakıı, B.Tatenova, A.Zaınaýdınova, M.Álimbaeva, K.Aıtjanova, J.Moldasanovtyń fotosýretteri, oǵan qosa óńirdegi mýzeılerdiń jádigerleri kópshilik nazaryna usynyldy. Is-sharalar D.Raqyshev atyndaǵy oblystyq fılarmonııanyń konerttik baǵdarlamasymen túıindeldi.
Kósh kerýeni mádenı jobasyn eskeldilik jáne kóksýlyq aqsaqaldar, ustazdar, mektep oqýshylary, jalpy aýdan turǵyndary tamashalady.
- Bıylǵy jyldy Memleket basshysy Jumysshy mamandyqtarynyń jyly dep jarııalady. Mundaǵy maqsat – qoǵamnyń, jastardyń nazaryn jumysshy mamandyqtaryna aýdarý. Árıne, mamandardy bir-aq jyldyń ishinde jappaı daıarlap, jumysshy kadrlar jetispeýshiligin sheshý múmkin emes. Eń bastysy, úlken istiń basy bastaldy, jumysshy mamandyqtarynyń artyqshylyǵyn, qajettiligin uǵyndyrý, eńbektiń qundylyǵyn ilgeriletý erekshe ekpinmen qarqyn alyp otyr. Búgin eńbek erleri týraly, mańdaı terdiń jemisi jaıly birqatar shyǵarmalarmen tanysyp, tánti boldyq. Osyndaı sharalar ásirese jastar úshin asa qajet, - dedi Jetisý oblysynyń Qurmetti azamaty Naýryz Qylyshbaev.
Atap ótsek, bul rýhanı joba bir aıǵa jýyq ýaqyt boıy, ıaǵnı 21 aqpanǵa deıin jalǵasady. Is-shara oblystyń barlyq aýdan-qalalaryn qamtıdy. Kósh kerýeniniń qorytyndysynda konferenııa uıymdastyrylyp, eńbek adamdaryna arnalǵan jýrnal shyǵarylady dep josparlanyp otyr.
Jalpy bul jobanyń maqsaty - eńbek adamdarynyń jetistikterin dáripteý, qoǵamdaǵy rólin kóterý, eńbek adamdarynyń ómirlik jolyn ádebı jáne óner týyndylary arqyly tanytý, sol arqyly jastardy eńbekke, adaldyqqa jáne jaýapkershilikke tárbıleý, aımaqtyń eńbek dástúrlerin jańǵyrtý ári saqtaý, jumysshy mamandyqtarynyń tarıhy men zamanaýı múmkindikterin tanystyrý.