TOO «ASIA FERROALLOYS» zauytyndaǧy jūmysşylar jalaqyny köterudı talap ettı, dep habarlaidy "Adyrna" ūlttyq portaly QazTAG-qa sıltep.
2024 jylǧy 20 jeltoqsan künı keşkı saǧat 21:10 şamasynda TOO «ASIA FERROALLOYS» käsıpornynyŋ №9 sehynyŋ şamamen tüngı auysymnyŋ 40 jūmysşysy jalaqyny köteru turaly talaptaryn basşylyqqa jetkızdı. Basşylyqtyŋ būl talapty qabyldamauyna bailanysty 20 jūmysşy jūmysyn toqtatyp, narazylyq bıldırgen.
Oqiǧa ornyna jergılıktı atqaruşy organdar men qūqyq qorǧau organdarynyŋ ökılderı kelıp, jūmysşylarmen kelıssözder jürgızgenın habarlady. Jūmysşylar arnaiy bastamaşyl top qūryp, basşylyqqa jazbaşa ötınış daiyndaudy ūsyndy. Top müşelerı jalaqyny 50%-ǧa köteru turaly talap jazylǧan hat daiyndap, ony resmi türde tırkedı.
Al käsıporyn basşylyǧy düisenbı künı resmi jauap beruge uäde ettı. Osydan keiın jūmysşylar zauyt aumaǧynan şyǧyp, auysymǧa jauapty qyzmetkerler jūmystaryna qaita kırıstı.
21 jeltoqsanda taŋerteŋ jaǧdai qaitalandy. Saǧat 08:00-de №9 sehtyŋ bırınşı auysymy jūmysyn bastady, alaida az uaqyt ötken soŋ 35 qyzmetker jūmysty jalǧastyrudan bas tartyp, hatqa jauap kütu üşın üilerıne qaitty.
Būl jaǧdai zauyttyŋ basqa bölımşelerınıŋ jūmysyna äser etken joq, al qoǧamdyq tärtıp zauyt aumaǧynda saqtalyp otyr. Käsıporyn basşylyǧy mäselenı şeşu jūmystaryn jalǧastyratynyn mälımdedı.
Eske sala keteiık, Prezident Qasym-Jomart Toqaev 2022 jyldyŋ 2 qyrküiegındegı joldauynda Nyǧmatulinderge qataŋ eskertu jasaǧan bolatyn.
Esterıŋızge sala keteiık, 20 şıldede YDD Corporation ferroqorytpa zauytynda tötenşe jaǧdai oryn alǧan bolatyn.
Ūqsas jaŋalyqtar
