Astana – Máskeý baǵyty boıynsha ushqan reıste 85 jastaǵy jolaýshynyń jaǵdaıy kúrt nasharlap, shuǵyl medıınalyq kómek qajet boldy, dep habarlaıdy "Adyrna" ulttyq portaly QR Densaýlyq saqtaý mınıstrligine siltep.
Mınıstrlik bul týraly 29 qańtarda málimdegen.
24 qańtar kúni Vıktor Karpın esimdi jolaýshy nemeresimen birge ushyp bara jatqan kezde ózin jaısyz sezinip, esinen tana bastaǵan. Bortserikter jaǵdaıdy baıqap, shuǵyl túrde dárigerdi shaqyrdy. Sol kezde ushaq ishinde bolǵan dáriger, Astana qalasynyń BSM ÝDP RK otonevrology Karlygash Bakırova kómek kórsetýge kiristi.
Tekserý barysynda jolaýshynyń qan qysymy 50/30 mm rt. st. deńgeıine deıin tómendep, tamyry álsiz soqqany anyqtaldy. Dáriger shuǵyl reanımaııalyq sharalar, onyń ishinde júrek-ókpe reanımaııasyn (SLR) júrgizip, naýqastyń jaǵdaıyn ýaqytsha turaqtandyrdy. Sonymen qatar, ushaqty shuǵyl túrde jaqyn mańdaǵy áýejaıǵa qondyrýdy talap etti. Ekıpaj jaǵdaıdyń aýyrlyǵyn eskerip, Ýfa qalasyndaǵy áýejaıǵa qoný týraly sheshim qabyldady. Jerge qonǵan soń, Vıktor Alekseevıchti medıınalyq qyzmetkerler kútip alyp, aýrýhanaǵa jetkizdi. Keıinnen onyń jaǵdaıy turaqtalǵany habarlandy.
Aıta keteıik, bul – osy aıdaǵy ekinshi jaǵdaı, onda Astana medıınalyq ýnıversıtetiniń túlekteri áýe bortynda adam ómirin qutqardy. Buǵan deıin ıntern Dinmuhamed Bekturǵanov Qyzylorda – Astana reısinde jolaýshyǵa júrek-ókpe reanımaııasyn jasap, onyń ómirin saqtap qalǵan edi.
