Darhan Ahmed-Zaki M.Äuezov atyndaǧy Oŋtüstık Qazaqstan universitetınıŋ rektory qyzmetıne taǧaiyndaldy, dep habarlaidy "Adyrna" ūlttyq portaly.
Būǧan deiın ol Qazaqstannyŋ Ǧylym jäne joǧary bılım vise-ministrı qyzmetın atqarǧan bolatyn. Osy qyzmetke 2023 jyldyŋ qyrküiek aiynda taǧaiyndalǧan edı.
Darhan Ahmed-Zaki 1981 jyly Şyǧys Qazaqstan oblysynda düniege kelgen. Ol Äl-Farabi atyndaǧy Qazaq Memlekettık universitetın jäne Q. Sätbaev atyndaǧy Qazaq Memlekettık Tehnikalyq universitetın bıtırgen.
Eŋbek jolyn 2002 jyly Almaty qalasyndaǧy Respublikalyq medisina kolledjınde fizika jäne matematika pänderınıŋ oqytuşysy bolyp bastaǧan. 2003 jyly Jaŋaözen qalasynda «Qazaqoil» JAQ tehnologiialyq zertteuler ortalyǧynda injener-baǧdarlamaşy bolyp qyzmet etken.
2004-2012 jyldary Äl-Farabi atyndaǧy QazŪU mehanika-matematika fakultetınde assistent, oqytuşy, aǧa oqytuşy, dosent jäne dekannyŋ oqu-tärbie ısı jönındegı orynbasary qyzmetterın atqardy. 2012-2013 jyldary fakultet dekany bolyp qyzmet ettı. Al 2013-2016 jyldary QazŪU oqu ısı jönındegı prorektory qyzmetınde boldy.
2016-2017 jyldary QR Bılım jäne ǧylym ministrlıgınıŋ Joǧary jäne joǧary oqu ornynan keiıngı bılım departamentınıŋ direktory boldy. 2017-2020 jyldary Halyqaralyq biznes universitetınıŋ prezidentı, 2020-2022 jyldary Astana IT University rektory boldy. 2022 jyldan 2023 jyldyŋ qyrküiegıne deiın QR Ǧylym jäne joǧary bılım ministrlıgı Ǧylym komitetınıŋ töraǧasy qyzmetın atqardy.
Ūqsas jaŋalyqtar
