Jambyl oblysy Baizaq audanynda prokuraturanyŋ aralasuynan keiın jūmysşylardyŋ eŋbekaqysy tolyq öteldı, dep habarlaidy "Adyrna" ūlttyq portaly QazAqparatqa sıltep.
Baizaq audanynyŋ prokuraturasy jürgızgen tekserıs barysynda «Baizaq su» memlekettık kommunaldyq käsıpornynda (ŞJQ MKK) eŋbek zaŋnamasynyŋ būzylǧany anyqtaldy.
Käsıporynnyŋ qarjylyq şyǧyndaryn negızsız josparlauynyŋ saldarynan 2024 jyldyŋ mausym aiynda 146 qyzmetkerge 18,2 million teŋge kölemınde jalaqy qaryzy jinalǧan.
Prokuraturanyŋ qadaǧalau aktısı nätijesınde būl bereşek tolyǧymen ötelıp, kınälı tūlǧalar tärtıptık jauapkerşılıkke tartyldy.
Biyl Jambyl oblysynyŋ prokuraturasy men uäkılettı organdardyŋ bırlesken şaralarynyŋ arqasynda 1 213 jūmysşynyŋ aldyndaǧy 241 million teŋge jalaqy bereşegı ötelgen. Jalpy öŋır prokurorlary 16 myŋnan astam jūmysşynyŋ eŋbek qūqyqtaryn qorǧauǧa üles qosty.
