Özbekstannyŋ Uzbekistan Airways ūlttyq äue kompaniiasy Europaǧa ūşu üşın Resei men Belarus äue keŋıstıgın paidalanudy toqtatty. Būl şeşım 20 qaŋtardan bastap jüzege asyryluda. Aqparatty aviakompaniia ökılderı 28 qaŋtarda äue kompaniiasynyŋ 33 jyldyǧyna arnalǧan baspasöz mäslihatynda aitty, dep habarlaidy “Adyrna” ūlttyq portaly.
Ferǧana agenttıgınıŋ mälımetınşe, jurnalisterdıŋ “äzırbaijandyq AZAL ūşaǧy apatynyŋ äserı boldy ma?” degen sūraǧyna kompaniia ökılderı «būl jai ǧana saqtyq şaralary jäne belgılı bır därejede marşruttardy oŋtailandyru» dep jauap berdı.
Al Daryo.uz Telegram-kanalynda jariialanǧan mälımetke säikes, Uzbekistan Airways Europa elderıne ūşatyn reisterın qazır Äzerbaijan men Türkiia arqyly jüzege asyrady.
Eske sala keteiık, 2024 jyly 25 jeltoqsanda Bakudan Groznyiǧa baǧyttalǧan n äzerbaijandyq AZAL äue kompaniiasynyŋ Embraer 190 ūşaǧy Qazaqstannyŋ batysyndaǧy Aqtauǧa jaqyn jerde apatqa ūşyrady. Ūşaqta 67 adam bolǧan, onyŋ ışınde 5 ekipaj müşesı. 38 adam qaza tapty, 29 adam aman qaldy.
27 jeltoqsanda Äzerbaijan äue kompaniiasy men Äzerbaijannyŋ sifrlyq damu jäne kölık ministrı Raşad Nabiev ūşaqtyŋ apatqa ūşyrauyna «syrtqy äser» sebep bolǧanyn habarlady. Apattan aman qalǧan bortserıkterdıŋ aituynşa, ūşaq Groznyi üstınen ūşyp bara jatqanda üş ret soqqyǧa ūşyraǧan. AQŞ mamandary ūşaqty Reseidıŋ PVO jüiesımen atyp tüsıru yqtimaldyǧyn baiqap, osyndai belgı-nyşandardy körgenın aitty. Reseilık BAQ-tyŋ mälımetınşe, ūşaqtyŋ atylǧan sätınde Groznyi ukrainalyq drondardyŋ şabuylyna ūşyraǧan.
Apattan keiın bırneşe memleket pen äue kompaniialary Reseige ūşatyn reisterdı toqtatu turaly mälımdedı.
Qaŋtar aiynyŋ basynda Europalyq aviasiialyq qauıpsızdık agenttıgı (EASA) Europaǧa ūşatyn üşınşı elderdıŋ äue kompaniialaryna Reseidıŋ europalyq bölıgındegı ūşulardan aulaq boluǧa keŋes berdı. Būl eskertu «Resei aumaǧynda azamattyq jäne äskeri aviasiianyŋ üilestıruındegı mümkın bolatyn olqylyqtar men qatelesıp tanu yqtimaldyǧy» sebeptı azamattyq ūşaqtarǧa jasalatyn ädeiı emes şabuyldar qaupıne bailanysty boldy.
EASA sondai-aq Reseidıŋ PVO jüielerınıŋ jūmysqa qosyluy mümkın ekendıgıne nazar audardy, būl Ukraina zymyrandary men drondarynyŋ ıske qosyluyna jauap retınde azamattyq ūşaqtarǧa qauıp töndıruı mümkın. Būl jaǧdai bırneşe halyqaralyq äuejailarda reisterdı oryndauǧa äser etuı mümkın, dep eskerttı agenttık. Sonymen qatar, Resei bilıgı būl qauıpterdı azaitu boiynşa şaralar qabyldamaityny atap ötıldı.
