Eýroodaq syrtqy ister keńesiniń kelesi otyrysynda Reseıge qarsy altynshy sankııalar paketin qabyldamaq, dep habarlaıdy "Adyrna" tilshisi Reuters agenttigine silteme jasap.
Bul týraly Panamada ótken baspasóz máslıhatynda Eýroodaq Syrtqy ister mınıstri Jozep Borrell málimdedi. Odaq Ýkraınadaǵy soǵysqa baılanysty Máskeýge sankııa salý áreketiniń bir bóligi retinde reseılik energııa eksportyn shekteýdi kózdedeýde, dedi ol.
Odaqtyń atqarýshy organy Eýrokomıssııa osy aptada EO sankııalarynyń paketin, sonyń ishinde reseılik munaıdy satyp alýǵa embargo salýdy usynady dep kútilýde - bul Máskeýdi negizgi kiris aǵynynan aıyratyn shara.
Syrtqy ister keńesiniń otyrystaryna tóraǵalyq etetin Borrell EO «osy ımportty aıtarlyqtaı shekteý úshin sharalar qabyldaı alady» dep úmittenetinin aıtty, biraq bloktyń barlyq múshelerinen áli de kelisim bolmaǵanyn moıyndady.
«Biraq, kem degende, munaı ımportyna qatysty mundaı kelisim keńestiń kelesi otyrysyna deıingi kezeńde múmkin bolatynyna senimdimin», - dep qosty ol.
Aıta keteıik, keńes otyrystary 10 mamyr men 16 mamyrǵa josparlanǵan.
Buǵan deıin Eýropalyq keńes basshysy Charlz Mıshel Eýroodaq Reseıge qarsy qosymsha sankııalar qabyldaýǵa daıyndalyp jatqanyn aıtqan.
"Adyrna" ulttyq portaly
