Qazaqstan men AQŞ arasyndaǧy tıkelei äue reisınıŋ älı ıske qosylmauyna ūşaq jetkızudegı keşıguler sebep bolyp otyr, dep habarlaidy "Adyrna" ūlttyq portaly İnformbiuroǧa sıltep.
Būl turaly kölık ministrı Nūrlan Sauranbaev Ükımettegı brifing barysynda mälımdedı.
Ministrdıŋ aituynşa, reister Soltüstık polius baǧyty arqyly jüzege asyryluy tiıs, iaǧni äue kemelerı Resei aumaǧy arqyly ötedı. Mūndai qaşyq baǧytqa arnaiy jaŋa buyn Dreamliner ülgısındegı alysqa ūşatyn ūşaqtar qajet.
"Būl baǧytqa eŋ aldymen jaŋa ūşaqtyŋ boluy maŋyzdy. Alaida Airbus pen Boeing aviaöndırıs kompaniialarynda tapsyrystar 14 jylǧa deiın tolyq jüktelgen. Sonyŋ saldarynan bızdıŋ kezegımız de keiınge şegerılıp otyr", – dedı Nūrlan Sauranbaev.
Onyŋ sözınşe, Qazaqstan äue tasymaldauşylaryna kelesı jyly berıluı tiıs bolǧan äue kemelerı endı tek 2027 jyly jetkızıledı.
Qazırgı jaǧdaida AQŞ baǧyty boiynşa uaqytşa balama nūsqa qarastyrylyp otyr. Air Astana äue kompaniiasy reisterdı London arqyly oryndaudy ūsynǧan.
"Londonǧa deiın ūşyp baryp, sol jerde qonǧannan keiın bort auystyrmai, ary qarai AQŞ-qa jol tartady. Qazır Dreamliner ūşaqtary kelgenge deiın osy aralyq baǧyt pysyqtaluda", – dep tüiındedı ministr.
Aita keteiık, būǧan deiın Azamattyq aviasiia komitetı Qazaqstan men AQŞ arasyndaǧy tıkelei reis 2025 jyldyŋ soŋynda aşylady dep habarlaǧan edı.
