Oŋtüstık Koreianyŋ Phionthek qalasynda bolǧan jappai töbeleske qazaqstandyqtardyŋ qatysuy turaly aqparat tarady, dep habarlaidy "Adyrna" ūlttyq portaly.
Qazaqstan syrtqy ıster ministrlıgı oqiǧaǧa qatysty pıkır bıldırdı.
Yonhap agenttıgınıŋ habarlauynşa, janjal 3 qazan keşke tūrǧyn üi aumaǧynda, balabaqşa men bastauyş mektepke jaqyn jerde bolǧan. Oqiǧaǧa Ortalyq Aziia elderınıŋ azamattary qatysuy mümkın degen boljam aitylǧan.
Oqiǧa ornynda 20 jastaǧy ekı er adam ūstalǧan. Qalǧan qatysuşylardy polisiia ızdestırıp jatyr. Tergeu barysynda aǧaş taiaqtar men beisbol taiaqtary tabylǧan.
Oŋtüstık Koreialyq polisiianyŋ mälımetınşe, beinebaqylau jazbalarynda töbeleske şamamen 15 adamnyŋ qatysqany körınedı. Al kuägerler oqiǧaǧa 40-qa juyq adam aralasqanyn aitqan. Aldyn ala boljam boiynşa, janjal Qazaqstan men Qyrǧyzstan azamattary boluy mümkın toptar arasyndaǧy kelıspeuşılıkten bastalǧan. Oqiǧaǧa qatysty videolar äleumettık jelılerde de taraǧan.
Qazaqstan SIM-nıŋ mälımetınşe, qazırgı uaqytta anyqtalyp, ūstalǧan adamdardyŋ arasynda Qazaqstan azamattary joq.
«Aldyn ala aqparat boiynşa, Phionthek qalasyndaǧy jappai töbeleske qatysy bar anyqtalǧan jäne qazırgı uaqytta ūstalǧan adamdardyŋ arasynda Qazaqstan azamattary joq», — dep habarlady vedomstvo.
