Kolumbiia prezidentı Gustavo Petro AQŞ-tan deportasiialanǧan kolumbiialyqtardy elge qaitaru üşın prezident ūşaǧyn ūsyndy. Būl turaly 26 qaŋtarda memleket basşysy keŋsesınıŋ ökılderı aitty, dep habarlaidy «Adyrna» tılşısı.
Būǧan deiın Petro migranttarǧa toly amerikalyq äskeri ūşaqtardy qabyldaudan bas tartqan edı.
«AQŞ migranttardy kerı qaitarǧysy kelse, būl qadamdy elımızge qūrmet jasai otyryp ısteuı tiıs. Bız öz azamattarymyzdy qabyldauǧa daiynbyz. Olar azamattyq aviasiia ūşaqtarymen keluı tiıs»,— dedı basşy «H» jelısınde.
Kolumbiia migranttardy qabyldaudan bas tartqannan keiın AQŞ būl elge bırqatar sanksiia engızgen bolatyn. Atap aitsaq, prezident Donald Tramp Kolumbiianyŋ barlyq tauaryna 25% baj salyǧyn saludy, eldıŋ şeneunıkterı men olardyŋ barlyq odaqtasy men jaqtasy üşın saiahatqa tyiym saludy jäne vizalardy dereu joiudy tapsyrdy.
Eske salaiyq, 25 qaŋtarda AQŞ zaŋsyz migranttardy deportasiialau nauqany bastalǧanyn aityp, alǧaşqy 79 migrant Gvatemalaǧa qaitarylǧanyn mälımdegen edı.
