Túrkııanyń Bolý qalasyndaǵy Kartalkaıa taý shańǵysy kýrortynda ornalasqan Grand Kartal qonaqúıinde bolǵan órt saldarynan 36 bala qaza tapqan, dep habarlaıdy "Adyrna" ulttyq portaly Haberler.com saıtyna silteme jasap.
Qaıǵyly oqıǵa kezinde balalardyń kóp bolýynyń sebebi elde demalys ýaqytymen túsindirildi.
Basylym qaza tapqan balalardyń tizimin jarııalap, olardyń barlyǵy 18 jasqa tolmaǵanyn atap ótti. Jýrnalısterdiń málimetinshe, bul tragedııa kem degende 30 otbasyn qamtyǵan.
Túrik BAQ osy kúnderi qaza bolǵandar týraly jıi aqparattar jarııalap otyr. Buǵan deıin bir áýlettiń on tórt adamy osy qrt kezinde qaza tapqany aıtyldy.
Qazirgi ýaqytta, Bolý qalasynyń prokýratýrasy qonaqúıdegi órtten 79 adam qaıtys bolǵanyn málimdedi.
Qylmystyq is boıynsha kúdiktilerdiń sany 15 adamǵa jetti. Túrkııanyń ádilet mınıstrligi qonaqúıdiń ıesi, dırektor jáne basqarýshysy, Grand Kartal brendine ıelik etetin kompanııanyń basshysy men Bolý qalasynyń vıe-meri men órt sóndirý qyzmetiniń orynbasary qamaýǵa alynǵanyn naqtylady.
Eske sala ketsek, 21 qańtarǵa qaraǵan túni Túrkııanyń Kartalkaıa taý shańǵysy kýrortynda iri órt oryn alyp, 79 adam qaza tapty. Tragedııaǵa baılanysty Túrkııa prezıdenti Rejep Taıyp Erdoǵan 22 qańtardy jalpyulttyq aza tutý kúni dep jarııalaǵan edi.
