23 qaŋtarda AQŞ prezidentı Donald Tramp bırqatar jarlyqtarǧa qol qoidy. Onyŋ ışınde abortqa qarsy narazylyqtarǧa qatysuşylardy keşıru turaly şeşım qabyldady jäne atyşuly oqiǧalar qūpiiasyn aşuǧa būiyrdy, dep habarlaidy “Adyrna” ūlttyq portaly.
“Golos Ameriki” saitynyŋ mälımetınşe, Tramp prezidenttık mındetın atqaryp tūrǧan kezde, ol 1963 jyly Djon Kennedidıŋ, 1968 jyly Robert Kennedidıŋ jäne azamattyq qūqyqtar qozǧalysynyŋ jetekşısı Martin Liuter Kingtıŋ ölımıne qatysty ükımet qūjattaryn jariialauǧa pärmen berdı.
«Barlyǧy aşylady», — dep mälımdedı Tramp Aq üide jarlyqqa.
Sailauda jeŋgennen keiın, 2022 jyldyŋ qaraşa aiynda Donald Tramp özınıŋ sailaualdy uädesın qaitalap, Djon Kennedidıŋ ölımımen bailanysty soŋǧy qūjattardy jariialauǧa uäde bergen bolatyn. Būl qūjattar «asa qūpiia» dep belgılenıp, Ūlttyq arhivte saqtalǧan.
1964 jyly Djon Kennedidıŋ ölımın tergeuge qatysty resmi komissiia Li Harvi Osvaldtyŋ jalǧyz äreket etkenın jariialaǧan edı. Bıraq Kennedidıŋ ölımı älı de türlı boljamdarǧa negız bolyp keledı.
2022 jyldyŋ jeltoqsan aiynda Ūlttyq arhiv Djon Kennedidıŋ ölımıne bailanysty 13 myŋnan astam qūjatty jariialady. Alaida Djo Baiden äkımşılıgı keibır qūjattardy ūlttyq qauıpsızdık sebepterımen jariialaudy toqtatty.
Djon Kennedidıŋ aǧasy Robert Frensis 1968 jyly Los-Andjeleste öltırıldı. Sol kezde ol prezidenttıkke ümıtker retınde basty kandidat bolǧan edı. Al Martin Liuter King 1968 jyldyŋ 4 säuırınde Memfis qalasynda segregasiiany qoldaityn adam tarapynan öltırıldı. Ol sol jerge qoqys jiiuşylardyŋ ereuılıne qoldau körsetu üşın kelgen edı.
Sol künı Tramp taǧy da bırneşe jarlyqqa qol qoidy. Onyŋ ışınde 23 abortqa qarsy narazylyqtarǧa qatysuşyny keşıru turaly jarlyq bar. Tramptyŋ aituynşa, būl adamdarǧa qatysty sotqa tartu ädıletsız bolǧan jäne olardyŋ köpşılıgı qart adamdar.
Sonymen qatar, Tramp Sietldegı sudianyŋ tuǧan jerı boiynşa azamattyq alu qūqyǧyn şekteu turaly jarlyǧyn uaqytşa toqtatu turaly şeşımıne qarsy şaǧymdanatyndyǧyn mälımdedı.
Tramptyŋ sol künı qol qoiǧan taǧy bır jarlyǧy – Soltüstık Karolinadaǧy Lumbi taipasyna federaldyq tanudy qamtamasyz etu turaly jospardy daiyndau.
Aita keteiık, bügın Tramp Soltüstık Karolinadaǧy «Helen» dauylynyŋ apatynan zardap şekken öŋırlerdı köru üşın saparǧa şyǧady.
