Jýrnalıst Kemelbek Oıshybaev Qazaqstan fýtbolynyń qazirgi syny men shynyn sóz etip, jelide eleń etkizerlik jazba qaldyrdy. Avtor ulttyq teńbil dop tarlandarynyń tynysy tarylǵanyna alańdap, tóreshilerdiń oǵash qylyǵyna shaǵymdanady. Bul jaıly "Adyrna" ulttyq portaly habarlaıdy.
- Qazaqstannyń fýtboly ábden shirip, bolmas deńgeıge jetti. Fýtboldy basqaratyn Barmenkýlov bastaǵan fýnkıonerlermen tóreshiler ádiletsizdiktiń kókesin kórsetip júr. Osy maýsymda fýtboldyq prınıpterden alys ketkeni anyq kórinip tur. Fýtbolshylardyń, ásirese sheteldiń legıonerleriniń qazaqstannyń chempıonatyna senimin túgel óltirgendeı. Budan bylaı, kim oınaǵysy keledi bul shirigen, eshqandaı sporttyq prınıpterdi ustanbaıtyn chempıonatta. Ótken aıda chempıonattyń sońǵy oıyndarynda «Aqtobe» klýbynyń qaqpasyna qalaı ótirik penaltıler qoıyp, upaılaryn urlaǵany, «Astana» komandasyn shashynan tartyp birinshi orynǵa shyǵarǵanyn jurtshylyq áli áńgimeleýde. «Astana» klýbynyń ótirik chempıon bolǵanyn barlyǵy biledi, - dep qazaq fýtbolynyń kúngeı tusynan kóleńkeli tusyna qaraı týra nazar salady.
Keıinnen jazba avtory Qazaqstan fýtbol komandalary arasynda ótken dop-dodalarynda óreskel jaıttardyń bolǵanyn jazady.
- Búgin Qazaqstannyń fýtbol kýboginiń fınalynda «Astana Arena» stadıonynda «Ordabasy» klýbymen «Aqjaıyq» komandalary kezdesti. Sol ádiletsizdiktiń jalǵasyn kórdik. Oıynnyń kosymsha ýaqyty biter kezde, sońyna 4 mınýttaı qalǵanda tóreshi joq jerden oılap taýyp, «Aqjaıyq» klýbynyń qaqpasyna penaltı qoıyp, «Ordabasy» komandasyna jeńis syılady. Osyndaı tóreshiler mıllıon teńgelerge satylyp, Qazaqstannyń fýtbolyn shiritip keledi. Osydan keıin qazaqtyń fýtbolynyń deńgeıi nege tómen, qazaqtar nege fýtbol oınaý bilmeıdi degen suraqqa jaýap izdep keregi joq. Kim ádiletsizdikpen qurtyp otyrǵany belgili, - dedi K. Oıshybaev.
Oqyrmandar avtordyń jazbasyna qatysty san qıly pikir aıty.
"Tóreshilerdiń óte dóreki qatelikterin myna jerde jazsam, tom-tom kitap bolyp ketedi. Kóp adamdardyń baıqaı bermeıtin qatelikteri, biz sııaqty fýtbolda júrgenderge qatty kórinip turady eken",
"Ádiletsizdik tek fýtbolda ǵana emes. Keıbir jarystardy uıymdastyrýshylar barlyq oblysta óz sportshylaryna bura tartady. Mundaı jaǵdaı estýimshe burynǵy keńestik respýblıkalarǵa tán nárse eken",
"Jemqorlyq ábden boılaryna, qandaryna sińip ketken ǵoı , kim bolsa, sol halyqty tonap otyrǵanyn bútkili biledi",
"Tek qazirgi tańda emes qoı, burynnan da sol ótirik fýtbolmen aınalysyp kele jatyr ǵoı. Eýropa baqylaýshylary Qazaqstannyń quramasy oınaǵanda ǵana kóz salady da, al ishki chempıonatqa kóńil bólmeıdi. Olar jankúıerlerden shaǵym tússe, sol fýtbol oıynyn saraptama jasap úkim shyǵarady. Sosyn álgi ádilqazy júıelerin bytyratyp jiberý olardyń qolynan keledi. Negizinde Qazaqstannyń fýtboly otpen oınap júr" dep jazdy oqyrmandar."Adyrna" ulttyq portaly
