Qazaqstanda áskerı kúshterdi mobılızaııa jáne tótenshe jaǵdaılar kezinde daıarlanǵan kadrlarmen tolyqtyrý maqsatynda rezervtik áskerı kúshter qurylatyn bolady, dep habarlaıdy "Adyrna" ulttyq portaly.
Bul normalar «Rezervtegi áskerı qyzmet týraly» zańǵa engizilgen ózgerister men tolyqtyrýlarda qarastyrylǵan.
«Bul túzetýler áskerlerdi daıyn kadrlarmen tolyqtyrýǵa múmkindik beredi. Sonymen qatar soǵys áreketterine daıyn rezervtik kúshterdi qurýdy qamtamasyz etedi. Mundaı áskerı qyzmet túrin engizý áskerlerdiń beıbit ýaqytta sanynyń ulǵaıýynsyz, belgilengen mindetterdi oryndaýǵa daıyn azamattar tobyn daıarlaýǵa múmkindik beredi», - dedi depýtat Ermurat Bapı.
Zańnyń qorytyndysyna sáıkes, áskerı kúshterdi daıarlanǵan azamattarmen tolyqtyrý mobılızaııa kezeńinde de, tabıǵı nemese tehnogendik tótenshe jaǵdaılar kezinde de qajet.
Jańa «áskerı rezervıst» uǵymy engiziledi. Ol oqý nemese jattyǵýlar kezinde áskerı qyzmetker mártebesin alady. Sonymen qatar zań jobasynda rezervısterdiń jalaqysy, zeınetaqy tólemderi, áleýmettik medıınalyq saqtandyrýǵa mindetti jarnalar men aýdarymdar máseleleri qarastyrylǵan.
2023 jyldyń qarasha aıynda Májilis osy zań jobasyn birinshi oqylymda qarap, qorytyndy jasaǵan bolatyn. Ol kezde Qorǵanys mınıstri Rýslan Jaqsylyqov qujatty qabyldaýdyń qajettiligi týraly málimdegen edi.
Rezervtik kúshter 2025 jyldan bastap qurylyp, rezervıstermen úsh jyldyq erikti kelisimshart jasalatyn bolady. Olar qyzmetin turǵylyqty jeri boıynsha óteıdi jáne jylyna eki aıdan aspaıtyn oqý merzimimen, onyń ishinde 30 kúndik jınaqtar men aı saıynǵy eki-úsh kúndik oqý sabaqtarymen daıyndalady. Rezervısterge aı saıyn mınımaldy jalaqy tólenedi.
Birinshi kezeńde 2 myń adam shaqyrý josparlanýda.
