Qazaqstanda äskeri küşterdı mobilizasiia jäne tötenşe jaǧdailar kezınde daiarlanǧan kadrlarmen tolyqtyru maqsatynda rezervtık äskeri küşter qūrylatyn bolady, dep habarlaidy "Adyrna" ūlttyq portaly.
Būl normalar «Rezervtegı äskeri qyzmet turaly» zaŋǧa engızılgen özgerıster men tolyqtyrularda qarastyrylǧan.
«Būl tüzetuler äskerlerdı daiyn kadrlarmen tolyqtyruǧa mümkındık beredı. Sonymen qatar soǧys äreketterıne daiyn rezervtık küşterdı qūrudy qamtamasyz etedı. Mūndai äskeri qyzmet türın engızu äskerlerdıŋ beibıt uaqytta sanynyŋ ūlǧaiuynsyz, belgılengen mındetterdı oryndauǧa daiyn azamattar tobyn daiarlauǧa mümkındık beredı», - dedı deputat Ermūrat Bapi.
Zaŋnyŋ qorytyndysyna säikes, äskeri küşterdı daiarlanǧan azamattarmen tolyqtyru mobilizasiia kezeŋınde de, tabiǧi nemese tehnogendık tötenşe jaǧdailar kezınde de qajet.
Jaŋa «äskeri rezervist» ūǧymy engızıledı. Ol oqu nemese jattyǧular kezınde äskeri qyzmetker märtebesın alady. Sonymen qatar zaŋ jobasynda rezervisterdıŋ jalaqysy, zeinetaqy tölemderı, äleumettık medisinalyq saqtandyruǧa mındettı jarnalar men audarymdar mäselelerı qarastyrylǧan.
2023 jyldyŋ qaraşa aiynda Mäjılıs osy zaŋ jobasyn bırınşı oqylymda qarap, qorytyndy jasaǧan bolatyn. Ol kezde Qorǧanys ministrı Ruslan Jaqsylyqov qūjatty qabyldaudyŋ qajettılıgı turaly mälımdegen edı.
Rezervtık küşter 2025 jyldan bastap qūrylyp, rezervistermen üş jyldyq erıktı kelısımşart jasalatyn bolady. Olar qyzmetın tūrǧylyqty jerı boiynşa öteidı jäne jylyna ekı aidan aspaityn oqu merzımımen, onyŋ ışınde 30 kündık jinaqtar men ai saiynǧy ekı-üş kündık oqu sabaqtarymen daiyndalady. Rezervisterge ai saiyn minimaldy jalaqy tölenedı.
Bırınşı kezeŋde 2 myŋ adam şaqyru josparlanuda.
Ūqsas jaŋalyqtar
