SOS!!! TÖTENŞE JAǦDAI – HALYQTY QORǦAU!- Prezidentke Beseudıŋ Aşyq haty!
Qazaqstan Respublikasynyŋ Prezidentı Q.K.TOQAEV myrzaǧa
Qūrmettı Qasym-Jomart Kemelūly! Bız, bır top ziialy qauym ökılderı elımızde COVID-19 ındetınıŋ, onyŋ özgerıske ūşyraǧan pnevmoniialyq türınıŋ örşuıne bailanysty Sızdıŋ atyŋyzǧa Ündeu jasauǧa mäjbürmız. Äleumettık jelılerden tüsıp jatqan derekterge qaraǧanda Qazaqstan koronavirus dertınıŋ taraluy jaǧynan älemde bırınşı orynǧa şyqqan. Soŋǧy aptada jūqpaly ındetten qaza bolǧandar sany da kürt artyp bara jatqanyn körıp otyrmyz. Resmi derek közderı adam şyǧyndary turaly derekterdı senzuralap tastady. Alaida tek jurnalister men jazuşylar, mädeniet qairatkerlerı arasynan az uaqytta aty belgılı qyryqqa juyq adamnyŋ köz jūmǧany ahualdyŋ kürdelenıp ketkenın körsetedı. Sonda qarapaiym halyqtyŋ ışınde ne bolyp jatyr? Bır auylda bır künde üş-tört janaza bolyp jatqany jan şoşytady. Bır otbasynan ekı-üş adam, tıptı tört adamǧa deiın qauıptı tajal tyrnaǧyna ılıngenderı de kezdesude. Auruhanalar bolsa lyq toly, aurulardy qabyldamaidy. Şaqyrtulardyŋ köpşılıgınen «Jedel järdem» ülgere almauda. Aptekalarda – därı tapşylyǧy. Bar därı-därmektıŋ baǧasy şaryqtap barady. Azyq-tülık tauarlaryna da baǧanyŋ artyp ketkenın baiqap otyrmyz. Halyq koronaviruspen küreste qauıppen betpe bet qalyp otyr. Jaǧdai baqylaudan şyǧyp barady! Qalyptasqan qiyn ahualǧa bailanysty Sızden Qazaqstan aumaǧynda jedel türde qaitadan Tötenşe jaǧdai engızuıŋızdı, karantindık rejimdı küşeitudı, farmasevtika salasyna baqylaudy arttyryp, därı-därmek tapşylyǧyn joiudy, därı-därmek naryǧynda baǧany qoldan köterıp otyrǧandarǧa qataŋ jazalau şaralaryn qoldanudy talap etemız. Üide emdelıp jatqandarǧa on-lain türde ortalyqtandyrylǧan därıgerlık keŋes ūiymdastyrylǧany da jön bolar edı. Sondai-aq halyqqa äleumettık kömek jasau mäselesı qarastyrylǧany asa özektı. Jūmysy toqtap qalǧan şaǧyn jäne orta käsıpkerlık te memleket qoldauyna mūqtaj. Qalaida pandemiiaǧa qarsy jedel şaralar qabyldanuy qajet! Qol qoiu jalǧasuda. Qūrmetpen, Smaǧūl ELUBAI, jazuşy, kinodramaturg, Qazaqstannyŋ eŋbek sıŋırgen qairatkerı, professor, (auruhanadan); Beibıt QOIŞYBAI, jazuşy, qoǧam qairatkerı; Qazybek İSA, aqyn, Halyqaralyq Alaş syilyǧynyŋ iegerı, Halyqaralyq S.Esenin atyndaǧy syilyqtyŋ laureaty, QR Prezidentı janyndaǧy Ūlttyq Keŋes müşesı; Marat TOQAŞBAEV, jazuşy-publisist, Qazaqstan Pedagogikalyq Ǧylym akademiiasynyŋ akademigı, professor; Jūbanyş JEKSENŪLY, änşı, Qazaqstannyŋ eŋbek sıŋırgen qairatkerı.Ūqsas jaŋalyqtar
