SOS!!! TÓTENShE JAǴDAI – HALYQTY QORǴAÝ!- Prezıdentke Beseýdiń Ashyq haty!
Qazaqstan Respýblıkasynyń Prezıdenti Q.K.TOQAEV myrzaǵa
Qurmetti Qasym-Jomart Kemeluly!
Biz, bir top zııaly qaýym ókilderi elimizde COVID-19 indetiniń, onyń ózgeriske ushyraǵan pnevmonııalyq túriniń órshýine baılanysty Sizdiń atyńyzǵa Úndeý jasaýǵa májbúrmiz.
Áleýmettik jelilerden túsip jatqan derekterge qaraǵanda Qazaqstan koronavırýs dertiniń taralýy jaǵynan álemde birinshi orynǵa shyqqan. Sońǵy aptada juqpaly indetten qaza bolǵandar sany da kúrt artyp bara jatqanyn kórip otyrmyz. Resmı derek kózderi adam shyǵyndary týraly derekterdi enzýralap tastady. Alaıda tek jýrnalıster men jazýshylar, mádenıet qaıratkerleri arasynan az ýaqytta aty belgili qyryqqa jýyq adamnyń kóz jumǵany ahýaldyń kúrdelenip ketkenin kórsetedi. Sonda qarapaıym halyqtyń ishinde ne bolyp jatyr? Bir aýylda bir kúnde úsh-tórt janaza bolyp jatqany jan shoshytady. Bir otbasynan eki-úsh adam, tipti tórt adamǵa deıin qaýipti tajal tyrnaǵyna ilingenderi de kezdesýde. Aýrýhanalar bolsa lyq toly, aýrýlardy qabyldamaıdy. Shaqyrtýlardyń kópshiliginen «Jedel járdem» úlgere almaýda. Aptekalarda – dári tapshylyǵy. Bar dári-dármektiń baǵasy sharyqtap barady. Azyq-túlik taýarlaryna da baǵanyń artyp ketkenin baıqap otyrmyz. Halyq koronavırýspen kúreste qaýippen betpe bet qalyp otyr.
Jaǵdaı baqylaýdan shyǵyp barady!
Qalyptasqan qıyn ahýalǵa baılanysty Sizden Qazaqstan aýmaǵynda jedel túrde qaıtadan Tótenshe jaǵdaı engizýińizdi, karantındik rejımdi kúsheıtýdi, farmaevtıka salasyna baqylaýdy arttyryp, dári-dármek tapshylyǵyn joıýdy, dári-dármek naryǵynda baǵany qoldan kóterip otyrǵandarǵa qatań jazalaý sharalaryn qoldanýdy talap etemiz. Úıde emdelip jatqandarǵa on-laın túrde ortalyqtandyrylǵan dárigerlik keńes uıymdastyrylǵany da jón bolar edi.
Sondaı-aq halyqqa áleýmettik kómek jasaý máselesi qarastyrylǵany asa ózekti. Jumysy toqtap qalǵan shaǵyn jáne orta kásipkerlik te memleket qoldaýyna muqtaj. Qalaıda pandemııaǵa qarsy jedel sharalar qabyldanýy qajet!
Qol qoıý jalǵasýda.
Qurmetpen,
Smaǵul ELÝBAI,
jazýshy, kınodramatýrg, Qazaqstannyń eńbek sińirgen qaıratkeri, professor, (aýrýhanadan);
Beıbit QOIShYBAI,
jazýshy, qoǵam qaıratkeri;
Qazybek ISA, aqyn, Halyqaralyq Alash syılyǵynyń ıegeri, Halyqaralyq S.Esenın atyndaǵy syılyqtyń laýreaty, QR Prezıdenti janyndaǵy Ulttyq Keńes múshesi;
Marat TOQAShBAEV,
jazýshy-pýblııst, Qazaqstan Pedagogıkalyq Ǵylym akademııasynyń akademıgi, professor;
Jubanysh JEKSENULY, ánshi, Qazaqstannyń eńbek sińirgen qaıratkeri.
