AQŞ prezidentı Donald Tramp Ukrainanyŋ Resei aumaǧy tükpırıne AQŞ zymyrandarymen soqqy jasauyna qarsy ekenın aitty. Būl turaly ol 12 jeltoqsan, beisenbıde jariialanǧan Time jurnalyna basylymnyŋ nūsqasy boiynşa «jyl adamy» dep tanyluyna bailanysty bergen sūhbatynda mälımdedı, jep habarlaidy “Adyrna” ūlttyq portaly.
«Men Reseige jüzdegen mil tereŋdıkke zymyrandar ūşyruǧa üzıldı-kesıldı qarsy ekenımdı aitamyn. Nege bız būny jasap jatyrmyz? Bız tek būl soǧysty qozdyryp, jaǧdaidy auyrlatamyz», – dep keltıredı basylym Tramptyŋ sözderın.
“Ukrainaǧa qoldau körsetudı toqtata ma” degen sūraqqa sailanǧan prezident AQŞ kömegın Reseimen atysty toqtatu turaly kelıssözderde qysym jasau qūraly retınde paidalanatynyn aitty.
«Men kelısımge qol jetkızgım keledı, al mūnyŋ jalǧyz joly – Kiїvtı qoldaudan bas tartpau», – dedı ol.
Sailaualdy nauqany kezınde Tramp Resei men Ukraina arasyndaǧy soǧysty «24 saǧatta aiaqtauǧa» uäde bergen edı. Alaida jurnalistermen äŋgımesınde saiasatker beibıtşılık ornatu oŋai bolmaitynyn moiyndady.
«Taiau Şyǧystaǧy mäselelerdı şeşu äldeqaida oŋai, al Resei men Ukraina arasyndaǧy jaǧdai äldeqaida kürdelı. Jastardyŋ mäiıtterınıŋ dalalarǧa şaşylyp jatqanyn köru taŋǧaldyrady. Būl – aqylǧa syimaityn närse», – dep atap öttı Tramp.
Qaraşa aiynyŋ ortasynda AQŞ bilıgı Ukrainaǧa ATACMS ballistikalyq zymyrandaryn Resei aumaǧyna soqqy jasauǧa rūqsat bergenı belgılı boldy. 11 jeltoqsanda Resei Qorǧanys ministrlıgı Taganrogtaǧy äskeri aerodromǧa ATACMS zymyrandarymen soqqy jasalǧanyn moiyndady.
