8 qaraşada Nūr-Sūltandaǧy halyqqa qyzmet körsetu ortalyǧy maŋyna 100-den astam jürgızuşı jinalyp, Resei nömırın taqqan kölıkterge qysym jasamauǧa şaqyrdy, dep habarlaidy "Adyrna" ūlttyq portaly Azattyq Radiosyna sılteme jasap.
Jürgızuşıler sözınşe, Resei nömırlı kölıkterdı keiıngı künderı jol polisiia jiı toqtatyp, tekserudı küşeitken. Jürgızuşısıne aiyppūl salyp, kölıktıŋ özın aiyppūl tūraǧyna alyp ketken jaǧdailar köbeie bastaǧan.
– Resei nömırın taqqan kölıkterdı negızınen qarapaiym halyq mınedı. Sondyqtan mūny qarapaiym halyqqa qysym deuge bolady. Bilık qysymnan özge jol tapsyn, jinalǧandaǧy maqsatymyz sol, – deidı Nūr-Sūltan tūrǧyny Bekjan Batyrbekov.Osydan 6 ai būryn Reseiden 4 million teŋgege kölık satyp alǧan ol däl sondai kölık Qazaqstanda 8 million tūratynyn aitady. "Öitkenı Qazaqstanda kölıktı memlekettık tırkeuge qoiu öte qymbat. Özı mınıp jürgen kölıktı tırkeu üşın 3-4 million teŋge töleuge tiıs". Onyŋ aituynşa, jol polisiiasy aiyppūl tūraǧyna äketken kölıkterdı tek kölık ielerı ǧana şyǧara alady. Al ol kölıkterdıŋ iesı Reseide tūrady.
– Bız üş jylǧa deiın kölıktı aidauǧa bolatyny jönınde senımhat alǧanbyz, – deidı jinalǧandar."Reseiden şyqqan "Lada" markaly kölıktı 600 myŋ teŋgege satyp alyp, taksiletıp kün körıp jürmın" degen Baidos Baitūrǧanov "Resei nömırlı kölıkter aiyppūldan jaltaryp ketedı" degen söz jalǧan deidı.
– Jol qozǧalysyn baqylap tūrǧan "Sergek" kameralary Qazaqstan mäşinelerıne qandai aiyppūl salsa , bızge de solai salady. Ony tölep jürmız. Bız jan baǧu üşın jürgen adamdarmyz. Mūndai problema bolatynyn bıle tūra ükımet Resei nömırlı kölıkterdı Qazaqstanǧa nege kırgızedı? Euraziia ekonomika odaǧy bolǧan soŋ tırkelmei-aq jüre beredı deitını qaida? – deidı ol.Narazylyqqa jinalǧandar "Armeniiadan äkep, tırkelmei jürgen kölıkterge uaqytşa sary nömır berıp, bilık jeŋıldık jasady, bızge de söitsın nemese memlekettık tırkeudı qarapaiym halyqtyŋ qaltasy köteretındei etıp arzandatsyn" degen talaptar qoidy. Narazylar aldyna Nūr-Sūltan qalalyq äkımşılık polisiia bastyǧy Eljan Şöpekov kelıp, Resei nömırın taqqan kölıkterdıŋ jappai aiyp tūraǧyna äketılmeitının aitty.
– Tek qana Reseide tırkeuden şyǧarylǧan kölıkterdı tekserıp jatyrmyz. Ondai kölıkter Qazaqstanda jüru üşın tırkeluı kerek. Qūjaty dūrys bolsa, eşkımdı ūstamaimyz, kölıgın qaitaryp beremız. Jol polisiiasy zaŋǧa sai äreket etıp otyr, – dep tüsındırdı.Qazaqstanda şetel nömırımen jürgen kölıkterge bailanysty mäsele būryn da köterılgen. Armeniiadan kölık äkelıp, Qazaqstanǧa tırkemei jürgenderge 2019 jyly jappai tekseru bastalǧanda jürgızuşıler osyǧan ūqsas talap aityp, Qazaqstannyŋ är öŋırınde narazylyqqa şyqqan. Sodan keiın bilık olarǧa "raqymşylyq" jasap, Armeniia, Qyrǧyzstan, Reseiden äkelgen kölıkterdı 2020 jyldyŋ 1 aqpanynan bastap uaqytşa tırkeuge qoiyp, arnauly sary nömır bergen. https://youtu.be/-gmohmCZ9E4
"Adyrna" ūlttyq portaly
Ūqsas jaŋalyqtar
