Qazaqstanda She’s Next bastamasynyŋ törtınşı tolqynyna ötınım qabyldau bastaldy. Būl jahandyq bastama Qazaqstandaǧy äielderdıŋ käsıbın qoldauǧa jäne damytuǧa baǧyttalǧan. She’s Next jobasy elımızde Visa kompaniiasy men Halyk serıktestıgımen bırlesıp jüzege asyryluda.
2021 jyldan berı būl baǧdarlamaǧa Qazaqstannyŋ tükpır-tükpırınen 30 myŋǧa juyq ısın jaŋa bastaǧan jäne ısın jürgızıp jürgen käsıpker äielder qatysyp keledı. Aldyŋǧy kezeŋderdıŋ jeŋımpazdary jalpy somasy 29 million teŋge kölemınde granttarǧa ie bolyp, öz biznesterın bastap qana qoimai, jūmys ıstep tūrǧan jobalaryn keŋeituge mümkındık aldy.
Öz ısın bastap ketken nemese bolaşaqta jeke käsıp aşudy josparlap jürgen kez kelgen äiel osy bastamaǧa qatysa alady. Biyl qatysu şarty būrynǧydan da oŋaiyraq. She’s Next platformasyna tırkelıp, biznes-jospary men qysqaşa video tanystyrylym jıberse bolǧany.
"Äielder käsıpkerlıgın qoldau – būl tek ekonomikalyq damuǧa qosqan üles qana emes, sonymen qatar ädılettı ärı tūraqty qoǧam qūru jolyndaǧy maŋyzdy qadam. Visa jäne Halyk jüzege asyryp otyrǧan She’s Next jobasy osy uaqytqa deiın öte jaqsy nätijeler körsettı. Osy bastamanyŋ bır bölıgı bolǧanymyzǧa quanyştymyz. Jaŋa kezeŋ aiasynda öŋırler men monoqalalardaǧy käsıpker äielderge erekşe nazar audaryp otyrmyz. Iаǧni, köbıne osyndai qoldau baǧdarlamalarynan tys qalyp qoiyp jürgen jandarǧa arnalady. Bılım, mentorlyq qoldau men qarjylyq resurstar olarǧa tek öz käsıbın nyǧaityp qana qoimai, basqa äielderge de alǧa ūmtyluǧa şabyt beredı dep senemız. Būl jaŋa buyn köşbasşylaryn qalyptastyruǧa sep bolady. Öz kezegınde būl qoǧam men käsıp salasyn özgertıp, jergılıktı qauymdastyqty damytady", – dedı Halyk basqarma töraiymy Ümıt Şaiahmetova.
Ötınım 7 tamyzǧa deiın qabyldanady. Sarapşylar komissiiasynyŋ ırıkteuı nätijesınde kelesı kezeŋge ötken 30 adam She’s Next Camp-ke qatysu mümkındıgın alady. Būl ekı kündık jabyq biznes-intensiv Almaty qalasynda ötedı. She’s Next Camp aiasynda qatysuşylardy qazaqstandyq jetekşı sarapşylar ötkızetın täjıribelık şeberlık sabaǧy, bılım beru sessiialary men mentorlyq qoldau kütedı. Būl ärı jobalardy qazylar alqasynyŋ aldynda qorǧauǧa daiyndyq kezeŋı bolmaq. Jeŋımpazdar öz käsıbın qūruǧa nemese damytuǧa arnalǧan aqşalai granttarǧa ie bolady.
Jaŋa formattan bölek, biyl She’s Next biznes sanattaryn keŋeitıp otyr. Būǧan deiıngı "Jaŋa bastalǧan käsıp" pen "Qalyptasqan käsıp" sanattary bolsa, endı oǧan qosymşa retınde jaŋa "IT-käsıp" sanaty engızıldı. Būl – tehnologiialyq baǧytta biznes jürgızıp jürgen nemese bolaşaqta osyndai ıstı aşudy armandaityn käsıpker äielderge arnalǧan.
"Äielder käsıpkerlıgın qoldau – Visa kompaniiasynyŋ negızgı baǧyttarynyŋ bırı. Elımızde äielder ekonomikaǧa belsendı aralasyp kele jatqan kezeŋde She’s Next jahandyq bastamasynyŋ törtınşı tolqynyn ıske qosyp otyrǧanymyzǧa quanyştymyz. She’s Next – būl tek qarjylai kömek qana emes, bılım, netvorking, şabyt pen qoldau. Osy arqyly äielder öz ısterın bastauǧa jäne damytuǧa mümkındık alady. Jaŋa formattyŋ kömegımen ekonomika men qoǧamdy jaqsartuǧa daiyn köptegen daryndy käsıpker äiel özderın aşa tüsedı dep senemız", – dedı Visa kompaniiasynyŋ aǧa vise-prezidentı, Ukraina, Gruziia, TMD elderı jäne Oŋtüstık-Şyǧys Europa boiynşa öŋırlık menedjerı Kristina Doroş.
She’s Next bastamasy qatarynan üşınşı jyl jüzege asyrylyp keledı. Būl joly da ony Qazaqstan äielder käsıpkerlıgınıŋ ūlttyq qauymdastyǧy "ASMAR" qoldap otyr.
Atalǧan qauymdastyq elımızdegı äielder käsıpkerlıgın damytuǧa üles qosyp, jergılıktı biznes-qauymdastyqtar qūruǧa, äielderge bılım, mentorlyq jäne qarjylai qoldau körsetuge kömektesıp jatyr.
"She’s Next – jai ǧana baiqau emes. Ol äsırese öŋırler men monoqalalardaǧy myŋdaǧan äielderge arnalǧan sanauly äleumettık mümkındıktıŋ bırı. Auyl-aimaqtaǧy käsıpker äielderdıŋ grant nemese jeŋıldetılgen nesie arqyly öz ısın bastap, körşılerıne jūmys oryndaryn aşqanyn körgende elımızdıŋ damuynyŋ naǧyz körınısı osy degen sezım paida bolady. Osy baǧdarlama aiasynda düniege kelgen ärbır tabysty tarih özge äielderdıŋ sanasyndaǧy kedergılerdı būzuyna kömektesedı. Ülgı tūtar tūlǧa qalyptastyrady. Bızdıŋ mındetımız – osyndai tabysqa jetu täsılın bükıl Qazaqstanǧa taratu", – dedı "ASMAR" Qazaqstan äielder käsıpkerlıgı ūlttyq qauymdastyǧy Prezidiumynyŋ töraiymy, prezident janyndaǧy Äielder ısterı jäne otbasylyq-demografiialyq saiasat jönındegı ūlttyq komissiia töraǧasynyŋ orynbasary Läzzat Ramazanova.
Baǧdarlamanyŋ törtınşı tolqynyna qatysu şarttary men kezeŋder turaly tolyq aqparat tömende berılgen:
Qatysuşylar sanattary:
- "Qalyptasqan käsıp";
- "Jaŋa bastalǧan käsıp";
- IT-käsıp.
Jobanyŋ kezeŋderı
Tırkeu. 23 mausym men 7 tamyz aralyǧynda Qazaqstandaǧy käsıpker äielder She’s Next platformasyna tırkelıp, bastamaǧa qatysuǧa ötınım bere alady.
Biznes-josparlar men video tanystyrylym. Tırkeu aiaqtalǧan soŋ 8 tamyzdan 22 tamyzǧa deiın ärbır qatysuşy özınıŋ biznes-josparyn jäne ūzaqtyǧy 2 minutqa deiıngı video tanystyrylymyn jükteu mümkındıgıne ie bolady. Video tanystyrylymda käsıpker öz jobasy nemese ideiasy turaly, maqsaty men şabyty jaiynda aityp, nelıkten däl özı She’s Next Camp-ke laiyqty ekenın körsetuı kerek.
Kelesı kezeŋge ötetınderdı ırıkteu. 23 tamyz ben 12 qyrküiek aralyǧynda saraptamalyq komissiia barlyq biznes-jospar men video tanystyrylymdy qarap şyǧyp, baǧalaidy. Nätijesınde är sanat boiynşa 10 qatysuşydan, jalpy 30 finalist anyqtalady. Olar Almaty qalasynda ötetın She’s Next Camp-ke şaqyrylady.
She’s Next Camp. Finaldyq kezeŋ – ekı kündık jabyq biznes-intensiv. Mūnda qatysuşylar arnaiy bılım beru baǧdarlamasynan ötıp, öz jobalaryn qorǧauǧa daiyndalady.
Ekınşı künı qatysuşylar jobalaryn qazylar alqasynyŋ aldynda tanystyrady (pitching).
Qorytyndysy boiynşa 7 jeŋımpaz anyqtalady. "Jaŋa bastalǧan käsıp" – 3 jeŋımpaz, "Qalyptasqan käsıp" – 3 jeŋımpaz jäne IT-käsıpten – 1 jeŋımpaz bolady.
Syiaqy qory
"Qalyptasqan käsıp" nominasiiasy:
1-oryn – 5 000 000 teŋgelık grant;
2-oryn – 3 000 000 teŋgelık grant;
3-oryn – 2 000 000 teŋgelık grant.
"Jaŋa bastalǧan käsıp" nominasiiasy:
1-oryn – 3 000 000 teŋgelık grant;
2-oryn – 2 000 000 teŋgelık grant;
3-oryn – 1 000 000 teŋgelık grant.
"IT-käsıp" nominasiiasy:
– 1 500 000 teŋge kölemınde grant;
Sonymen qatar jeŋımpaz Visa-nyŋ Dubaidaǧy innovasiialyq ortalyǧyna barady. Būl jerde bolaşaq tölem jüielerın damytatyn jaŋa tehnologiialarmen tanysu mümkındıgı berıledı.
Bastamaǧa qatysty barlyq jaŋalyqtar men kezeŋder turaly aqparat resmi She’s Next Telegram-arnasynda, sondai-aq Visa men Halyk-tyŋ äleumettık jelılerınde jariialanyp otyrady.
Visa – sifrlyq tölem industriiasynyŋ jahandyq köşbasşysy. Visa 200-den astam el men aimaqta tūtynuşylar, biznes, qarjy jäne memlekettık ūiymdar arasyndaǧy tölem tranzaksiialaryn öŋdeidı. Kompaniianyŋ maqsaty – qauıpsız, senımdı jäne innovasiialyq tölem jelısı arqyly älemdı bırıktıru jäne jahandyq ekonomikalyq äl-auqatqa yqpal etu. Tolyǧyraq: visa.com.kz
Halyk – Qazaqstandaǧy eŋ ırı jüie qūrauşy bank. 2024 jylǧy 31 jeltoqsandaǧy jaǧdai boiynşa aktivterı 18,6 trillion teŋgeden asady. Bank 563 bölımşe men filialdan tūratyn keŋ auqymdy jelıge ie. Sondai-aq Gruziia men Özbekstanda da jūmys ısteidı. 2018 jyldan berı Halyk äielder käsıpkerlıgın belsendı qoldap keledı. Türlı öŋırlerden kelgen 600-den astam äielge 7 milliard teŋge kölemınde jeŋıldetılgen (6-8%) nesie berıldı.
Tolyǧyraq: halykbank.kz
