Bügın – Bılım künı. Qazaqstan Respublikasy Prezidentınıŋ 1998 jylǧy 20 qaŋtardaǧy Jarlyǧyna säikes būl kün respublika kölemınde atap ötıledı. Biyl Qazaqstanda 3 million astam bala mektepke barady. Osy jyldyŋ erekşelıgı 1-synyp oquşylaryna arnalǧan saltanatty jiyndar ötkızıledı, dep habarlaidy "Adyrna" ūlttyq portaly.
Bılım künı - jas üşın de, kärı üşın de mereilı mereke, zor quanyş. Araily jazdyŋ üş aiyn qyzyqty da, mazmūndy ötkızıp, armandaryn arqalap, jiǧan bılımderın odan ärı tereŋdete tüsu üşın barşa qazaqstandyq oquşylar saǧynyşpen altyn ūia mektepterıne oraldy. Mektep tabaldyryǧyn endı attap otyrǧan balalarǧa «Älıppe» nemese «Bukvar» berıledı.
Aita keteiık, 2021-2022 oqu jyly dästürlı formatta bastalady. Būl şeşım balabaqşa, mektepter men kolledj, joǧary oqu oryndaryna da qatysty.Bılım beru mekemelerınıŋ qyzmetkerlerı jäne balany bılım ordasyna alyp kelgen adamdar men studentter Ashyq qosymşasyn qoldanady. «Eger synypta bır bala auyryp qalsa, sol synyptyŋ özı ǧana qaşyqtan ötu formatyna jıberıledı. Dene qyzuy bar balalar uaqytşa qaşyqtan oqidy. «Ashyq» qosymşasy arqyly tekserısten ötken kezde ata-anasynyŋ «qyzyl» märtebesı bolsa, student nemese oquşy üiden oqidy.
"Adyrna" ūlttyq portaly
Ūqsas jaŋalyqtar
