Nıý-Iork soty AQSh-tyń jańadan saılanǵan prezıdenti Donald Trampqa alaıaqtyq isi boıynsha úkim shyǵardy, dep habarlaıdy "Adyrna" ulttyq portaly VVS-ge siltep.
Sot Trampty kináli dep tanyǵanymen oǵan jaza taǵaıyndamaǵan. Úkim «shartsyz bosatý» túrinde shyǵaryldy.
Sot otyrysy kezinde sýdıa Hýan Merchan Trampqa:
«Siz ekinshi prezıdenttik merzimińizdi bastaıtyn ýaqytta sáttilik tileımin», – dep málimdedi.
Sýdıanyń aıtýynsha, bul sheshim eldiń eń joǵary laýazymyna áser etpeıtin jalǵyz zańdy úkim bolǵan.
Donald Tramp sot otyrysyna vıdeobaılanys arqyly qatysyp, alǵash ret óz pikirin bildirdi. Buǵan deıin ol ózine taǵylǵan aıyptarǵa qatysty túsinikteme berýden bas tartqan edi.
Sotta Tramp barlyq aıyptaýlardy joqqa shyǵaryp, bul istiń saıası maqsatta qozǵalǵanyn aıtty. Ol bul proesti «saıası shabýyl» dep atap, basty maqsat – onyń Aq úıge qaıta oralýyna kedergi jasaý ekenin jetkizdi.
Sot sheshiminen keıin Tramp Truth Social áleýmettik jelisinde:
«Bul – radıkaldy demokrattardyń Amerıkany buzý úshin jasaǵan taǵy bir sátsiz áreketi. Shyn máninde, eshqandaı qylmys bolǵan joq, bul aıyptaýlardy tolyǵymen joqqa shyǵarý kerek», – dep jazdy.
Sonymen qatar, Tramp sot úkimin appelıaııaǵa beretinin málimdedi.
Aıta keteıik, AQSh prezıdenti bolyp qaıta saılanatyn Donald Trampty ulyqtaý saltanatyna on kún qalǵanda oǵan qatysty qylmystyq istiń úkimi jarııalanatyny týraly habarlaǵan edik.
