Niu-Iork soty AQŞ-tyŋ jaŋadan sailanǧan prezidentı Donald Trampqa alaiaqtyq ısı boiynşa ükım şyǧardy, dep habarlaidy "Adyrna" ūlttyq portaly VVS-ge sıltep.
Sot Trampty kınälı dep tanyǧanymen oǧan jaza taǧaiyndamaǧan. Ükım «şartsyz bosatu» türınde şyǧaryldy.
Sot otyrysy kezınde sudia Huan Merchan Trampqa:
«Sız ekınşı prezidenttık merzımıŋızdı bastaityn uaqytta sättılık tıleimın», – dep mälımdedı.Sudianyŋ aituynşa, būl şeşım eldıŋ eŋ joǧary lauazymyna äser etpeitın jalǧyz zaŋdy ükım bolǧan. Donald Tramp sot otyrysyna videobailanys arqyly qatysyp, alǧaş ret öz pıkırın bıldırdı. Būǧan deiın ol özıne taǧylǧan aiyptarǧa qatysty tüsınıkteme beruden bas tartqan edı. Sotta Tramp barlyq aiyptaulardy joqqa şyǧaryp, būl ıstıŋ saiasi maqsatta qozǧalǧanyn aitty. Ol būl prosestı «saiasi şabuyl» dep atap, basty maqsat – onyŋ Aq üige qaita oraluyna kedergı jasau ekenın jetkızdı. Sot şeşımınen keiın Tramp Truth Social äleumettık jelısınde:
«Būl – radikaldy demokrattardyŋ Amerikany būzu üşın jasaǧan taǧy bır sätsız äreketı. Şyn mänınde, eşqandai qylmys bolǧan joq, būl aiyptaulardy tolyǧymen joqqa şyǧaru kerek», – dep jazdy.Sonymen qatar, Tramp sot ükımın appeliasiiaǧa beretının mälımdedı. Aita keteiık, AQŞ prezidentı bolyp qaita sailanatyn Donald Trampty ūlyqtau saltanatyna on kün qalǧanda oǧan qatysty qylmystyq ıstıŋ ükımı jariialanatyny turaly habarlaǧan edık.
Ūqsas jaŋalyqtar
